ٹرمپ نے ایران کے ساتھ ایسی جنگ شروع کی جس کا کوئی خواہاں نہیں تھا: امریکی سینیٹر

?️ 30 اگست 2026

سچ خبریں:امریکی سینیٹر کرس مرفی نے ٹرمپ پر تنقید کرتے ہوئے کہا کہ ایران کے ساتھ جنگ کسی کی خواہش نہیں تھی اور نومبر کے وسط مدتی انتخابات ٹرمپ کی نااہلی پر ریفرنڈم ہوں گے۔

امریکی ریاست کنیکٹیکٹ سے تعلق رکھنے والے معروف اور اہم سینیٹر نے کہا ہے کہ ٹرمپ نے ایران کے ساتھ ایسی جنگ شروع کی جس کا کوئی بھی خواہاں نہیں تھا۔

امریکی سینیٹر کرس مرفی نے آج ہفتے کے روز سوشل میڈیا پلیٹ فارم ایکس پر اپنے پیغام میں لکھا: آپ کے پٹرول کی قیمتوں میں بے تحاشا اضافے کی واحد وجہ یہ ہے کہ آپ کے صدر نے ایران کے ساتھ ایسی جنگ شروع کی جس کا کوئی بھی خواہاں نہیں تھا۔

انہوں نے مزید کہا: وہ کسی بھی صورت اس جنگ میں کامیاب نہیں ہو سکتا تھا۔ نومبر میں ہونے والے انتخابات دراصل اس کی نااہلی پر ایک ریفرنڈم ہوں گے۔

واضح رہے کہ امریکہ میں کانگریس کے وسط مدتی انتخابات 3 نومبر کو ہونے والے ہیں، جن میں سینیٹ کی تقریباً ایک تہائی نشستوں اور ایوان نمائندگان کے ارکان کا انتخاب کیا جائے گا۔