بن سلمان کو سزا نہ دینا امریکہ کے لیے خطرہ ہے:امریکی پارلیمنٹ ممبر

?️ 7 مارچ 2021

سچ خبریں:امریکی ایوان نمائندگان کی ایک ممبر نے بتایا کہ جمال خاشقجی کے قتل کے معاملے میں سعودی ولی عہد شہزادہ کو استثنیٰ دینا امریکہ کے لئے خطرہ ہے۔
امریکی ایوان نمائندگان کی رکن الہان عمر نے سی این این کو انٹرویو دیتے ہوئے کہا کہ سعودی ولی عہد شہزادہ محمد بن سلمان کو سزا دینے میں ایک ایک منٹ کی دیر امریکہ کی ساکھ کے لئے خطرہ ہے اور ساتھ ہی یہ بھی ظاہر ہوتا ہے کہ امریکہ سعودی شہریوں کے انسانی حقوق پر کس حد تک توجہ دیتا ہے، امریکی ایوان نمائندگان نے اپنے انٹرویو میں نے کہا کہ آزادی اظہارخیال ، جمہوریت اور انسانی حقوق کے لئے امریکی حمایت کے تناظر میں محمد بن سلمان پر پابندیاں عائد نہ کرنے کی کوئی وجہ نہیں ہے۔

انھوں نے مزید کہا کہ ہماری خفیہ ایجنسی نے انکشاف کیا ہے کہ اس شخص نے استنبول میں سعودی قونصل خانے میں تنقیدی سعودی صحافی جمال خاشقجی پر قاتلانہ حملے کا حکم دیاہے، الہان عمر نے کہا کہ واشنگٹن نے خاشقجی کے قتل میں ملوث دوسرے افراد پر پابندیاں عائد کر دیں لیکن قانون کے مطابق ہمیں نہ صرف قتل کرنے والوں کو بلکہ ان لوگوں کو بھی سزا دینا چاہیے جنہوں نے قتل کا حکم دیا تھا،امریکہ کو ان اقدار اور اصولوں کو برقرار رکھنے کے لئے پوری کوشش کرنی ہوگی۔

یادرہے کہ 2018 میں ترکی میں واقع سعودی قونصل خانے میں اس ملک کے نقاد صحافی جمال خاشقجی کو نہایت ہی بے دردی کے ساتھ قتل کیا گیا تھا جس کے بعد ان کی لاش کو ٹکڑے کر کے اس کو غائب کر دیا گیا جس کا آج تک کوئی پتا نہیں چل سکا، اس قتل کے بعد عالمی سطح پر کافی ہنگامہ آرائی ہوئی اور مجرموں کو سزا دینے کو مطالبہ ہوا لیکن نتیجہ کچھ بھی نہیں نکلا اس لیے کہ قتل کا اصلی مجرم امریکی صدر کا دوست نکلا جس نے اپنی دوستی نبھاتے ہوئے اس پر آنچ نہیں آنے دی۔