صہیونی حکام شامی اتحادی آپریشن روم کے پیغام کو سنجیدگی سے لیتے ہیں:صیہونی میڈیا

?️ 15 اکتوبر 2021

سچ خبریں:شامی اتحاد کے آپریشن روم سے تل ابیب کو دیے جانے والے انتباہی پیغام کے بعد عبرانی زبان کے ذرائع نے اطلاع دی کہ صہیونی حکومت کی سکیورٹی سروسز اس پیغام کو بہت سنجیدگی سے لےرہی ہیں۔

عبرانی زبان کے اخبار اسرائیل ہیوم نے خبر دی ہے کہ صیہونی حکومت کی سکیورٹی سروسز نے شامی اتحادی آپریشن روم کے حالیہ بیان کو سنجیدگی سے لیا ہے، یونیوز خبر رساں ویب سائٹ نے کل اعلان کیا کہ صہیونی حکومت سے انتقام لینے کا فیصلہ شامی اتحادی آپریشن روم کی طرف سے جاری کردہ ایک بیان میں کیا گیا ہے۔

المیادین نیوزچینل کی ویب سائٹ نے آج (جمعہ) کو اسرائیل ہیوم کے حوالہ دیتے ہوئے اپنی ایک رپورٹ میں لکھا ہے کہ صیہونی سکیورٹی سروسز شام یا ایران کی جانب سے حالیہ اسرائیلی حملے کا جواب دینے کی کوشش کو بہت سنجیدگی سے لے رہی ہیں۔

رپورٹ میں یہ بھی کہا گیا ہے کہ شامی اتحادی آپریشن روم نے کل کھل کر جوابی کاروائی کی دھمکی دی تھی، شام کے شہر تدمر پر تل ابیب حملے کے بعد شامی اتحاد کے جوائنٹ آپریشن روم نے کل کہا کہ اسرائیلی اور امریکی لڑاکا طیاروں نے کل رات تدمر کے علاقے میں اتحادی فوجی اڈوں پر حملہ کیاجہاں ان کے اجتماعی مراکز اور سروس سینٹرز تھے

شامی اتحادیوں کے مشترکہ آپریشن روم نے اعلان کیاہے کہ اس جارحیت کے نتیجہ میں متعدد مجاہدین شہید اور زخمی ہوئےجبکہ اگر فورسزتعینات نہ ہوتیں تو شہداء کی تعداد بہت زیادہ ہوتی، بیان میں کہا گیا ہے کہ صیہونیوں کا بہانہ یہ تھا کہ وہ پوائنٹ اینڈ شوٹ ہتھیاروں اور سازوسامان کا مقابلہ کر رہے ہیں جو ان کی غاصب حکومت کے لیے خطرناک ہے۔

یادرہے کہ اردن کی فضائی حدود اور امریکہ کے زیر قبضہ التنف علاقے سے ہونے والےصیہونی حملے کے بعد آپریشن روم کمانڈ نے شہیدوں اور زخمیوں کے خون کا بدلہ لینے کا فیصلہ کیا ہے۔