امام حسین کے زائرین کے ہاتھوں میں جنرل قاسم سلیمانی کا پرچم

🗓️ 25 ستمبر 2021

سچ خبریں:امام حسین کے چہلم کے موقع پر کربلا کی زیارت کو جانے والوں کے درمیان الحشد الشعبی تنظیم کے ہزاروں کارکنوں نے بین الحرمین میں شہید جنرل قاسم سلیمانی شہید  اور ابومہدی المہندس کی تصاویر والے بڑے جھنڈے لگا کر ان شہداء کی یاد کو زندہ رکھا۔
جیسے جیسے امام حسین کا چہلم کا دن قریب آتا جارہاہے عراق اور پوری دنیا سے امام حسین کے چاہنے والے کربلائے معلی کی طرف رواں دواں ہیں ، یادرہے کہ کورونا پابندیوں کے باوجود پچھلے سالوں کی طرح اس سال بھی کربلا معلی ان دنوں ہزاروں زائرین کی میزبانی کر رہا ہے جو امام حسین کے مقدس مزار کی زیارت کے لیے یہاں پہنچے ہیں۔

عراقی الحشد الشعبی تنظیم جو عراقی وزیر دفاع کے مطابق اس سال اربعین حسینی تقریب کے لیے سکیورٹی کے اہم ستونوں میں سے ایک ہے ، کربلا کے زائرین کے لیے سکیورٹی اور خدمات کا کردار ادا کرنے کے ساتھ ساتھ امۃ الحشد نامی زیارت کے قافلے میں شریک ہیں،واضح رہے کہ یہ سال دوسرا سال ہےجب سپاپ پاسداران کی قدس فورس کے کمانڈر جنرل قاسم سلیمانی اور الحشد الشعبی تنظیم کے نائب سربراہ ابو مہدی المہندس اس تقریب پر دنیا میں نہیں ہیں ،تاہم اس تقریب کے بڑے مجمع میں ان کی یاد کو زندہ رکھا گیا ہے۔

واضح رہے کہ کل 24 ستمبرحضرت عباس اور امام حسین کے روضے کے درمیان نیز امام حسین کے روضے پر موجود ہزاروں زائرین افراد نے ایک عظیم اجتماع کا انعقاد کیا جس میں شہید قاسم سلیمانی اور ابو مہدی المہندس کی تصاویر اپنے کپڑوں پر چسپاں کر رکھی تھیں اور الحشد الشعبی کے جھنڈے نیز داعش پر فتح کے شہدا کمانڈروں کے نام لکھے ہوئے کے پلے کارڈز اٹھا رکھے تھے۔