سلامتی کونسل کا ہنگامی اجلاس؛ اسرائیل کے ایران پر حملے پر عالمی ردعمل

سچ خبریں:ایران کی درخواست پر اقوام متحدہ کی سلامتی کونسل کا ہنگامی اجلاس منعقد ہوا، جس میں اسرائیل کے حملے پر روس و چین نے سخت مذمت کی جبکہ امریکہ اور اسرائیل نے حملے کو دفاعی اقدام قرار دیا،اجلاس میں عالمی سطح پر شدید اختلافِ رائے دیکھنے میں آیا۔

اقوام متحدہ کی سلامتی کونسل کا ایک ہنگامی اجلاس ایران کی درخواست پر منعقد ہوا، جس میں اسرائیل کے حالیہ حملے کو زیر بحث لایا گیا۔ یہ اجلاس عالمی سفارتی حلقوں کی توجہ کا مرکز بن گیا اور اس دوران مختلف عالمی طاقتوں نے متضاد مؤقف اختیار کیے۔

یہ بھی پڑھیں:برطانوی انسانی حقوق کی تنظیموں کی جانب سے اسرائیل کے ایران پر حملے کی شدید مذمت 

روس کے مستقل مندوب، واسیلی نبنزیا نے اپنے خطاب میں شدید تنبیہ کرتے ہوئے کہا:

 اسرائیل کے اقدامات مشرق وسطیٰ کو ایک ممکنہ ایٹمی سانحے کی طرف لے جا رہے ہیں۔

انہوں نے مزید کہا کہ اسرائیلی اقدامات نہ صرف بین الاقوامی قوانین کی خلاف ورزی ہیں بلکہ پورے خطے کے امن کو بھی خطرے میں ڈال رہے ہیں۔

چین کے مستقل مندوب، فو تسونگ نے اسرائیلی حملے کی سخت مذمت کرتے ہوئے کہا کہ بیجنگ، ایران کی خودمختاری اور علاقائی سالمیت پر حملے کی شدید مذمت کرتا ہے۔

انہوں نے تمام فریقین پر زور دیا کہ وہ بات چیت اور پرامن حل کے ذریعے مسائل کو سلجھائیں تاکہ خطے میں استحکام واپس لایا جا سکے۔

امریکہ کے نمائندے نے اسرائیل کے حملے کو دفاعی قدم قرار دیتے ہوئے کہا:

 ایران ایک خطرناک حکومت ہے، اور اسے ایٹمی ہتھیار حاصل کرنے سے روکنا عالمی ذمہ داری ہے۔

انہوں نے ایران کو خبردار کرتے ہوئے کہا کہ اگر ایران نے امریکہ کے مفادات کو نشانہ بنایا، تو اس کے سنگین نتائج برآمد ہوں گے۔

فرانسیسی نمائندے نے بھی تشویش کا اظہار کرتے ہوئے کہا کہ موجودہ حالات مشرق وسطیٰ میں بے حد خطرناک ہیں۔

انہوں نے کہا کہ تمام فریقین کو خویشتن داری سے کام لینا ہوگا۔ اگر ایران نے ایٹمی ہتھیار حاصل کیے، تو اس سے علاقائی استحکام شدید متاثر ہوگا۔

اسرائیلی نمائندے نے اقوام متحدہ میں تقریر کرتے ہوئے دعویٰ کیا کہ ہم نے ایران کے ایٹمی پروگرام کو ختم کرنے کے لیے کارروائی کی۔ ایران مسلسل ہمیں تباہ کرنے کی دھمکیاں دے رہا ہے۔

انہوں نے بغیر کسی ثبوت کے دعویٰ کیا کہ ایران نے سیکڑوں بیلسٹک میزائل اسرائیلی شہروں پر داغے ہیں۔

انہوں نے مزید دعویٰ کیا کہ ہم نے سفارتی راہ کو آزمایا، لیکن جب وہ ناکام ہوئی، تو ہمیں فوجی کارروائی پر مجبور ہونا پڑا۔

مزید پڑھیں:اسرائیلی حملے کی مذمت کرنے والے ممالک 

تاہم، اسرائیلی نمائندے نے نہ تو ایرانی سائنسدانوں کی ٹارگٹ کلنگ کا ذکر کیا اور نہ ہی ماضی میں مذاکرات کی ناکامی میں اسرائیلی کردار کا۔