عطا تارڑ کا رؤف حسن پر خوفناک الزام

?️ 24 جولائی 2024

سچ خبریں: وفاقی وزیر اطلاعات عطا تارڑ نے کہا ہے کہ ابتدائی تحقیقات سے یہ بات سامنے آئی ہے کہ پی ٹی آئی کے سکریٹری اطلاعات رؤف حسن کے ملک دشمن عناصر کے ساتھ رابطے تھے۔

ایک بیان میں عطا تارڑ نے بتایا کہ رؤف حسن، جو پی ٹی آئی کے ڈیجیٹل میڈیا ونگ کے ملازم تھے، ساڑھے 7 لاکھ روپے تنخواہ لے رہے تھے۔

انہوں نے کہا کہ پی ٹی آئی کے ڈیجیٹل میڈیا ونگ سے کچھ ہدایات باہر جارہی تھیں اور کچھ باہر سے یہاں آرہی تھیں، اور ابتدائی تحقیقات سے معلوم ہوا ہے کہ رؤف حسن کے ملک دشمن عناصر کے ساتھ رابطے تھے۔

یہ بھی پڑھیں: تحریک انصاف کا رؤف حسن پر حملے کی تحقیقات جوڈیشل کمیشن سے کروانے کا مطالبہ

عطا تارڑ کا کہنا تھا کہ تحریک انصاف پر پابندی کا اصولی فیصلہ برقرار ہے اور اس سلسلے میں پیپلز پارٹی سے مشاورت بھی مکمل ہو چکی ہے۔

دوسری جانب، جیو نیوز کے پروگرام کیپیٹل ٹاک میں گفتگو کرتے ہوئے پی ٹی آئی رہنما لطیف کھوسہ نے کہا کہ ماضی میں میاں نواز شریف کے بھی غیر ملکیوں سے رابطے رہے ہیں۔

مزید پڑھیں: متنازع ٹوئٹ: ایف آئی اے کو بیرسٹر گوہر، رؤف حسن کیخلاف کارروائی سے روک دیا گیا

انہوں نے کہا کہ پی ٹی آئی پر پابندی کا فیصلہ بے اصولی ہے، اس طرح تو اگلی باری مسلم لیگ ن اور اس کے بعد پیپلز پارٹی کی ہوگی۔