یمنی فوج کا امریکہ کو انتباہ

🗓️ 1 جنوری 2024

سچ خبریں: یمنی مسلح افواج کے ترجمان نے اعلان کیا ہے کہ امریکی افواج نے 10 یمنی فوجیوں کو ہلاک کر دیا ہے۔

المسیرہ چینل کی رپورٹ کے مطابق یمنی مسلح افواج کے ترجمان یحیی سریع نے اعلان کیا کہ امریکی فوجیوں نے اپنا انسانی اور اخلاقی فرض ادا کرنے والی یمنی بحریہ کی 3 کشتیوں پر حملہ کرکے ان فورسز کے 10 اہلکاروں کو ہلاک کردیا۔

یہ بھی پڑھیں: امریکی فوجی اتحاد کامیاب ہے یا مزاحمت؟

انہوں نے مزید کہا کہ امریکی دشمن اپنے جرم کا نتیجہ دیکھے گا،بحیرہ احمر میں اسرائیلی بحری جہازوں کی حمایت کے لیے امریکی دشمن کی نقل و حرکت یمن کو فلسطین کی حمایت اور مدد کے اپنے فرض کو پورا کرنے سے نہیں روکے گی۔

سریع نے کہا کہ ہم دوسرے ممالک کو خبردار کرتے ہیں کہ وہ امریکہ کے خطرناک اقدامات میں حصہ نہ لیں کیونکہ اس اقدام کے منفی نتائج ہوں گے جو سب کو متاثر کریں گے۔

انہوں نے مزید کہا: مال بردار جہاز "Maersk Hangzhou” جو مقبوضہ فلسطین کی بندرگاہوں کی طرف بڑھ رہا تھا، کے خلاف فوجی آپریشن مناسب بحری میزائلوں سے کیا گیا۔

یہ کارروائی جہاز کے اسٹیئرنگ عملے کی جانب سے یمنی بحریہ کی جانب سے بھیجے گئے انتباہی پیغامات کا منفی جواب دینے کے بعد کی گئی۔

سریع نے کہا کہ اسرائیلی بحری جہازوں یا مقبوضہ فلسطین کی بندرگاہوں کی طرف بڑھنے والے بحری جہازوں کے گزرنے کو روکنے کے حوالے سے ہم نے پچھلے بیانات میں جو اعلان کیا تھا اس پر زور دیتے ہیں۔

انہوں نے مزید کہا کہ ہم مقبوضہ فلسطین کے علاوہ تمام مقامات پر جہاز رانی کے جاری رہنے پر اصرار کرتے ہیں نیز دنیا کے تمام ممالک کو مشورہ دیتے ہیں کہ وہ بحیرہ احمر میں جنگ بھڑکانے کے امریکہ کے منصوبوں کا ساتھ نہ دیں۔

مزید پڑھیں : مظلوم فلسطینی قوم کی حمایت میں یمنی عوام کا وسیع مارچ

یمنی مسلح افواج کے ترجمان نے تاکید کی کہ ہم اپنے ملک اور عوام پر کسی بھی حملے کا مقابلہ کرنے سے دریغ نہیں کریں گے، ہم اپنے ملک کے لوگوں اور دنیا کے تمام آزاد لوگوں کو بتاتے ہیں کہ وہ امریکہ کے تناؤ کا سامنا کرنے کے لیے تمام آپشنز پر عمل درآمد کے لیے چوکنا اور پوری طرح تیار رہیں۔