سعودی عرب اور اسرائیل کے درمیان سنجیدہ مذاکرات چل رہے ہیں:امریکی اخبار

🗓️ 12 جون 2022

سچ خبریں:ایک امریکی اخبار نے دعوی کیا ہے کہ سعودی عرب صیہونی حکومت کے ساتھ سنجیدہ مذاکرات کر رہا ہے۔
امریکی اخبار وال سٹریٹ جرنل کی رپورٹ کی رپورٹ کے مطابق سعودی عرب تجارتی تعلقات قائم کرنے اور سکیورٹی کوآرڈینیشن کو مضبوط بنانے کے سلسلہ میں اسرائیل کے ساتھ سنجیدہ بات چیت کر رہا ہے، اخبار نے زور دیا کہ اگرچہ ریاض اور تل ابیب اپنے سفارتی تعلقات کا اعلان نہیں کر رہے ہیں تاہم سعودی عرب نے اسرائیلی حکام کے ساتھ اپنے خفیہ مذاکرات کو وسعت دی ہے۔

امریکی اخبار کے مطابق امریکی صدر جوبائیڈن دو طرفہ اقدامات کا اعلان کرنے کے مقصد سے دونوں فریقین کے درمیان فعال طور پر ثالثی کر رہے ہیں جو اگلے مرحلے میں تعلقات کو معمول پر لانے میں سہولت فراہم کر سکیں گے۔

وال سٹریٹ جرنل نے مزید لکھا کہ ریاض نے تجارتی تعلقات قائم کرنے اور نئے سکیورٹی معاہدوں تک پہنچنے کے لیے اسرائیل کے ساتھ سنجیدہ مذاکرات کیے ہیں،اسی ذریعے کے مطابق بائیڈن حکومت چاہتی ہے کہ مراکش، متحدہ عرب امارات اور بحرین کی طرح سعودی عرب بھی اسرائیل کے ساتھ ابراہیم معاہدے پر دستخط کرے۔

میڈیا نے بارہا اس بات پر زور دیا ہے کہ اسرائیل کے ساتھ سعودی تعلقات کو معمول پر لانا وقت کی ضرورت ہے اور محمد بن سلمان اس پوزیشن میں اہم کردار ادا کرتے ہیں کیونکہ ان کے اسرائیلیوں کے ساتھ اقتصادی تعلقات ہیں۔