سعودی اتحاد کے ساتھ تمام قیدیوں کے تبادلے کے لیے تیار ہیں: یمنی قومی نجات حکومت

?️ 1 اگست 2021

سچ خبریں:یمنی قومی نجات حکومت میں قیدیوں کی کمیٹی کے قانونی شعبے کے سربراہ نے کہا کہ فی الحال ہم سعودی اتحاد کے ساتھ تمام قیدیوں کے تبادلے کے لیے تیار ہیں۔
المسیرہ چینل کی رپورٹ کے مطابق کہ یمنی قومی نجات حکومت میں قیدیوں کی کمیٹی کے قانونی شعبے کے سربراہ احمد ابو حمزہ نے زور دیا کہ صنعا حکومت قیدیوں کے تبادلے میں کبھی بھی رکاوٹ نہیں ڈالتی، رپورٹ کے مطابق یمنی عہدیدار نے مزید کہاکہ ہم ہر وقت تمام قیدیوں کے خلاف تمام قیدیوں کا تبادلہ کرنے کے لیے تیار ہیں،تاہم یہ سعودی اتحاد ہے جو قیدیوں کے تبادلے میں رکاوٹیں کھڑی کر رہا ہے۔

واضح رہے کہ یمن پر سعودی اتحاد کی یلغار کے آغاز کے بعد سے سینکڑوں قیدیوں کے تبادلے میں ان ثالثوں کے کردار کا حوالہ دیتے ہوئے این ایس پی عہدیدار نے کہاکہ شاید تبادلے کے عمل میں تاخیر کی وجہ یہ ہے کہ دوسرا فریق یہ فیصلہ تنہا نہیں کر سکتا۔

یمنی قومی نجات حکومت میں قیدیوں کی کمیٹی کے قانونی شعبے کے سربراہ نے ریاض کے منفی کردار کے بارے میں کہاکہ سعودی عرب قیدیوں کے تبادلے کے عمل میں ایک فریق کے طور پر جانا جاتا ہے اور یہ ثالثی کو بھی مؤثر نہیں ہونے دیتا۔

حال ہی میں یمنی قومی کمیٹی آف اسیران کے سربراہ عبدالقادر مرتضیٰ نے سعودی اتحاد کے ساتھ قیدیوں کے تبادلے کے حوالے سےاپنے ملک کے تازہ ترین موقف کا اعلان کرتے ہوئے کہا کہ یمنی حکومت بڑے پیمانے پر قیدیوں کے تبادلے کے لیے مکمل طور پر تیار ہے،یمنی عہدیدار کے مطابق مستعفی اور مفرور یمنی صدر کے بھائی ناصر منصور ہادی کا تبادلہ بھی قیدیوں کی تبادلہ فہرست میں کیا جائے گا۔

المرتضی نے زور دے کر کہا کہ صنعا نے سعودی جارح اتحاد کے کئی دوسرے کمانڈروں کو قیدیوں کے تبادلے کی فہرست میں ڈال دیا ہے، ان میں مستعفی یمنی حکومت کے سابق وزیر دفاع محمود الصباحی بھی شامل ہیں جو 2015 سے انصار اللہ کے زیر حراست ہیں۔