اب تک 3000سے زیادہ یوکرین کا فوجی انفراسٹرکچر تباہ ہوچکا ہے؛روس کا دعوی

12 مارچ 2022

سچ خبریں:روس کی وزارت دفاع نے ایک بیان میں کہا ہے کہ اس کی افواج کا یوکرین میں فوجی آپریشن شروع کرنے کے بعد سے 3000 سے زیادہ فوجی ڈھانچے کو تباہ کر دیا ہے۔
رشیا ٹوڈے کی رپورٹ کے مطابق روس کی وزارت دفاع نے یوکرین جنگ کی تازہ ترین صورتحال پر ایک بیان جاری کیا، وزارت نے کہا کہ یوکرین میں فوجی آپریشن کے آغاز سے لے کر اب تک یوکرین کی افواج 3000 سے زیادہ فوجی انفراسٹرکچر کو تباہ کرنے میں کامیاب ہو چکی ہیں۔

رپورٹ کے مطابق روسی وزارت دفاع کے ایک بیان میں کہا گیا ہےکہ ڈونیٹسک جمہوریہ کے فوجیوں کے ایک گروپ نے ویلنووا شہر کو آزاد کرالیاجبکہ اولگینکا، ویلیکا انادول اور زیلنی گائی کے قصبوں کو بھی اپنے کنٹرول میں لے لیا گیا۔

روسی وزارت دفاع کا کہنا ہے کہ روسی مسلح افواج کے یونٹ پیٹروسکوئے-اوگنوکا-اکتیابرسکایا لائن تک پہنچ چکے ہیں جبکہ اس محور پر پیش رفت 17 کلومیٹر رہی ہے،نیز انتہائی درستگی والے طویل فاصلے تک مار کرنے والے ہتھیاروں نے یوکرین کے فوجی انفراسٹرکچر کو نشانہ بنایا، جس سے Lutsk اور Ivano-Frankivsk میں فوجی ہوائی اڈے بند ہو گئے۔

روس کی وزارت دفاع نے اپنے بیان میں کہا کہ یوکرائن کے تین ایم آئی 24 ہیلی کاپٹر، آٹھ ڈرون سمیت پانچ ٹی بی ٹو کو مار گرایا گیا، اس کے علاوہ یوکرین میں روسی فوجی آپریشن کے دوران 98 طیارے، 118 ڈرون، 1041 ٹینک اور دیگر بکتر بند گاڑیاں، 113 متعدد راکٹ لانچرز، 389 توپ خانے اور مارٹر بھی تباہ ہوئے۔