صدرمملکت کی جانب سے معذور افراد کیلئے اسٹیٹ بینک پالیسی کا اجرا

?️ 22 جون 2021

کراچی(سچ خبریں) صدر مملکت نے اسٹیٹ بینک آف پاکستان کی معذور افراد (پی ڈبلیو ڈی) کی معاشی خودمختاری کو بہتر بنانے کے لیے جامع پالیسی کا اجرا کردیا۔ ان کا کہنا ہے کہ اسٹیٹ بینک کی جانب سے نئی پالیسی کا اجرا پی ڈبلیو ڈی کو درپیش مشکلات کے خاتمے میں نمایاں کردار ادا کرے گا۔

ذرائع کے مطابق صدر مملکت عارف علوی نے بطور مہمان خصوصی پالیسی کا اجرا کیا۔اس پالیسی کا مقصد بینکاری خدمات تک رسائی اور بینک ملازمین کی حیثیت سے معذور افراد کی شمولیت ان کی معاشی خودمختاری کو بہتر بنائے گی۔بینکوں اور غیر سرکاری تنظیموں کے اشتراک سے معذور افراد کی زندگیوں کو بہتر کرنے کی پالیسی تیار کی گئی ہے۔

اس تناظر میں اسٹیٹ بینک کی ہدایات کے تحت اب بینکوں کے بورڈ آف ڈائریکٹرز کو پی ڈبلیو ڈی کو مالی نیٹ شامل کرنے کے لیے حکمت عملی کے فریم ورک کو منظور کرنے کی ضرورت ہے جبکہ انتظامیہ اس پر عمل درآمد کو یقینی بنائے گی۔

پالیسی فریم ورک کے تحت بینک جسمانی طور پر معذور، ضعف معذور اور سماعت یا بصارت سے محروم سمیت تمام قسم کے پی ڈبلیو ڈیز کی خصوصی ضروریات کو پورا کرنے کی خدمات فراہم کی جائے گی۔بینکوں سے کہا گیا کہ ضروری فارمز اور دستاویزات کی دستیابی کو یقینی بنائیں، سائن لینگویج کی ترجمانی کی سروس فراہم کریں اور تمام شاخوں اور اے ٹی ایمز میں داخلے کے لیے ریمپ تعمیر کریں۔

پالیسی میں شامل ایک شق بینکوں سے تقاضہ کرتی ہے وہ پی ڈبلیو ڈی کے لیے مقرر کردہ جاب کوٹہ کو پورا کریں۔خواتین پی ڈبلیو ڈیز کی حوصلہ افزائی کے لیے بینکوں میں پی ڈبلیو ڈیز کی ملازمت کا کوٹہ کم از کم 25 فیصد حصہ بنایا جائے گا۔