پاکستانی فوجی سربراہ کی ایران کے ساتھ تعاون کو فروغ دینے کی تاکید

?️ 22 دسمبر 2022

سچ خبریں:پاکستان کی فوج کے نئے کمانڈر نے اسلام آباد اور اسلامی جمہوریہ ایران کے درمیان دوستانہ اور برادرانہ تعلقات کی تاریخ کا ذکر کرتے ہوئے دوطرفہ تعاون بالخصوص اقتصادی میدان میں فروغ دینے کی ضرورت پر زور دیا۔

پاکستان میں تعینات اسلامی جمہوریہ ایران کے سفیر سید محمد علی حسینی نے آرمی ہیڈ کوارٹر راولپنڈی میں جنرل سید عاصم منیر سے ملاقات کی،اس ملاقات میں پاکستان آرمی ہیڈ کوارٹر کے بعض حکام اور پاکستان میں ایران کے ملٹری اتاشی کرنل مصطفیٰ غضنبرپور بھی موجود تھے۔

پاکستان کی فوج کے کمانڈر نے اپنی گفتگو میں علاقائی اور عالمی فورمز میں ایران کے موقف کی حمایت پر خاص طور پر انسانی حقوق اور پرامن ایٹمی پروگرام اور ایران مخالف پابندیوں کی اسلام آباد کی مخالفت پر زور دیا،جنرل عاصم نے مزید کہا کہ دونوں ممالک کے درمیان تعلقات بالخصوص اقتصادی شعبے میں ترقی کے لیے بہت سی صلاحیتیں موجود ہیں جنہیں فعال کیا جانا چاہیے۔

ایرانی سفیر نے جنرل منیر کو پاک فوج کے نئے کمانڈر کے طور پر تعیناتی پر مبارکباد پیش کی اور انہیں مسلح افواج کے چیف آف جنرل اسٹاف اور اسلامی جمہوریہ ایران کی فوج کے کمانڈر انچیف کی جانب سے تہنیتی مبارکباد بھی پیش کی،حسینی نے حالیہ برسوں میں دو دوست اور ہمسایہ ممالک ایران اور پاکستان کے درمیان برادرانہ تعلقات کے بڑھتے ہوئے رجحان کی وضاحت کرتے ہوئے دونوں ممالک کے درمیان دفاعی، فوجی اور سکیورٹی تعلقات کی مضبوطی پر اعتماد کا اظہار کیا۔

فریقین نے تازہ ترین علاقائی صورتحال، خطے میں امن و استحکام کے قیام کے لیے تہران اور اسلام آباد کے درمیان تعاون اور افغانستان کی صورتحال پر تبادلہ خیال کیا،ایرانی سفیر نے دونوں ممالک کے درمیان اعلیٰ سطح کے فوجی اور دفاعی وفود کے تبادلے کی اہمیت پر زور دیا تاکہ دوطرفہ تعلقات کو مضبوط کیا جا سکے، خاص طور پر سرحدوں پر سکیورٹی تعاون کو وسعت دینے نیز مشترکہ سرحدوں پر اقتصادی صلاحیتوں سے استفادہ کرنے کے لیے۔

اس ملاقات میں پاکستانی فوج کے کمانڈر نے اسلامی جمہوریہ ایران کے لیے کامیابی اور فخر کی خواہش کی اور ایران کے ساتھ دو طرفہ تعلقات کی اہمیت پر زور دیا۔