ہم فلسطینی عوام پر کسی بھی قسم کی سرپرستی کی مخالفت کرتے ہیں: فتح

سچ خبریں: فتح کی تحریک نے ایک بیان جاری کرتے ہوئے واضح کیا ہے کہ وہ فلسطینی عوام کے خلاف کسی بھی قسم کی تحویل کاری (ٹرسٹی شپ) اور فلسطینیوں کے آزادانہ قومی فیصلوں کو مجروح کرنے کی ہر کوشش کی سخت مخالف ہے۔

بیان میں اس بات پر زور دیا گیا ہے کہ بین الاقوامی امن کمیٹی کا کردار، تعمیر نو کے عمل کی نگرانی، امن کے منصوبے کے نفاذ کو یقینی بنانا اور جنگ بندی پر عملدرآمد کو تضمین فراہم کرنا ہے۔

بیان میں اس بات کی بھی وضاحت کی گئی ہے کہ اگر بین الاقوامی فورسز کی تعیناتی ضروری ہے تو انہیں غزہ کی پٹی کے اندر نہیں بلکہ صرف سرحدوں پر تعینات کیا جانا چاہیے۔ غزہ میں سیکورٹی کی ذمہ داری فلسطینی سیکورٹی فورسز کے پے ہونی چاہیے۔

بیان کے آگے یہ بات بھی شامل ہے کہ غزہ کی پٹی کے انتظام کے لیے ایک مخصوص مدت کے لیے انتظامی کمیٹی کا قیام ایک اہم قدم ہے، بشرطیکہ یہ فلسطینی حکومت کے زیر نگرانی ہو۔ ہتھیاروں کے معاملے کو بھی قومی مفاد کے تناظر میں، واحد حکمرانی اور واحد قانون کے فریم ورک کے تحت حل کیا جانا چاہیے۔ فلسطینیوں کی ترجیح جنگ بندی، صہیونی ریاست کا غزہ کی پٹی سے مکمل انخلا، اس علاقے میں انسان دواد امداد کی بلا رکاوٹ فراہمی اور وہاں کے باشندوں کے جبری بے دخلی کو روکنا ہے۔