لاہور(سچ خبریں) معاون خصوصی پنجاب فردوس عاشق اعوان نے ایک اہم بیان دیتے ہوئے کہا ہے کہ پنجاب روزگار اسکیم کے تحت ایک قدم لیا ہے 2 کروڑ نوجوانوں کو روزگار اسکیم کےتحت بااختیار بنانےجارہے ہیں، کوروناکی وجہ سے بہت سے کاروبار محدود ہو گئے ہیں۔
تفصیلات کے مطابق لاہور میں پریس کانفرنس کرتے ہوئے فردوس عاشق اعوان نے کہا کہ سستے آسان قرضوں سےکاروباری سہولت کاری کرنےجارہے ہیں، کورونا کی وجہ سے بہت سےکاروبارمحدود ہوگئے ہیں، دنیا اب گلوبل ولیج سے سمٹ کر ایک بٹن میں آگئی ہے۔
پنجاب وزیر اعلیٰ کی معاون خصوصی نے آر او کے حوالے سے گفتگو کرتے ہوئے کہا کہ آراو نے آج تک کسی اپوزیشن لیڈر کو نوٹس جاری نہیں کئے آر او اور اس کے عملے کی ذمہ داری کس نے ادا کرنی ہے، الیکشن کمیشن کی ہدایات پر صوبائی حکومت مکمل معاونت کیلئے تیار ہیں۔
ڈسکہ کے الیکشن کے حوالے سے گفتگو کرتے ہوئے ان کا کہنا تھا کہ ڈسکہ کے الیکشن کو متنازع بنانے کیلئےن لیگ کی سازشیں رنگ لائی ہیں، کمشنر،آر پی او،ڈی سی ،ڈی پی او تبدیل ہوئے مگرآر او تبدیل نہیں ہوئے، الیکشن کمیشن کی ذمہ داری ہے کہ وہ غیر جانبدارانہ ، شفاف بنائے، الیکشن کمیشن کے ساتھ ہر طرح کاتعاون کرنا ہے جہاں کیسز زیادہ ہوں اورلوگ مررہے ہیں وہاں کیسے جلسے ہوں گے۔
