?️
اسلام آباد: (سچ خبریں) اسلام آباد میں شہریوں کی ایک بڑی تعداد پاسپورٹ کے حصول کے لیے ایک جگہ سے دوسری جگہ کے چکر کاٹنے پر مجبور ہیں، کئی افراد کو پاسپورٹ ملنے میں 2 ماہ تک تاخیر کا سامنا ہے، حکام کے مطابق اس کا پروسسینگ ٹائم 21 دن ہے۔
پاسپورٹ کے حصول کے لیے درخواست دینے والوں میں غیر ملکی یونیورسٹیوں میں داخلے کے خواہشمند طلبہ اور بیرون ملک کام کے لیے جانے والے افراد اور مریض بھی شامل ہیں، جنہیں بیرون ملک فوری طبی علاج کی ضرورت ہے۔
’ارجنٹ‘ فیس ادا کرنے کے باوجود بہت سے افراد پاسپورٹ کے حصول کے لیے مہینوں سے انتظار کر رہے ہیں لیکن انہیں کامیابی نہیں ملی، طویل تاخیر نے بہت سے لوگوں کی مایوسی اور پریشانی کو بڑھا دیا ہے، جس سے پاسپورٹ کے اجرا کے عمل میں اصلاحات کی ضرورت کو اجاگر کیا ہے۔
اس تاخیر کے سنگین نتائج برآمد ہوئے ہیں۔
مکینیکل انجینئرنگ میں گریجویٹ کرنے والے عبداللہ بھی متاثر ہونے والے افراد میں شامل ہیں، نے اپنا تجربہ بتاتے ہوئے کہا کہ میں نے 8 اپریل کو پاسپورٹ کی تجدید کی درخواست جمع کرائی اور اسلام آباد پاسپورٹ آفس نے ایک رسید جاری کی جس میں بتایا گیا کہ پاسپورٹ 6 مئی (21 دنوں میں) تک تیار ہو جائے گا۔
ان کا کہنا تھا کہ لیکن 67 دن گزرنے کے باوجود مجھے اب تک پاسپورٹ نہیں مل سکا ہے، میں نے حال ہی میں قطر میں انٹرویو کا موقع گنوا دیا کیونکہ میرے پاس درست پاسپورٹ نہیں تھا، جب میں نے پاسپورٹ آفس کے اہلکار سے رابطہ کیا، تو انہوں نے اضافی فیس کا مطالبہ کرتے ہوئے دعویٰ کیا کہ اس سے صرف ایک ہفتے میں عمل مکمل ہو جائے گا۔
ایک سرکاری کالج کے لیکچرار عمران شہزاد مایوسی کا اظہار کرتے ہوئے کہا کہ مجھے امید تھی کہ میں اپنا تحقیقی مقالہ یونیورسٹی آف وسکانسن میڈیسن امریکا کے زیر اہتمام ایک کانفرنس میں پیش کروں گا، کمیٹی نے مجھے ویزا کے حصول کے لیے لیٹر جاری کیا تھا۔
ان کا کہنا تھا کہ تاہم 4 اپریل کو پاسپورٹ کی تجدید کے لیے 21 دنوں کے وعدے کے باوجود میں ابھی تک اس کا انتظار کر رہا ہوں۔
انہوں نے کہا کہ پاسپورٹ آفس میں اسسٹنٹ ڈائریکٹر سے ملے لیکن وہ انہیں کوئی ڈیلیوری کا وقت نہیں بتاسکے، امریکا میں اپنے ملک کی نمائندگی کرنا میرے لیے بڑے اعزاز کی بات ہوتی لیکن اب میرا ایک تحقیقی مقالہ پیش کرنے کا خواب ادھورا دکھائی دیتا ہے جس پر میں نے کئی مہینوں تک انتھک محنت کی ہے۔
بیرون ملک تعلیم حاصل کرنے کی امید رکھنے والے طالب علم کاشف نے اپنی مایوسی کا اظہار کرتے ہوئے کہا کہ میری والدہ نے مالی مشکلات کے باوجود بیرون ملک میری تعلیم کے لیے ایک ایک پیسہ بچایا ہے۔
ان کا کہنا تھا کہ میں نے عام فیس کے ساتھ پاسپورٹ کے لیے درخواست دی، فوری فیس ادا کرنے کے بجائے پیسے بچانے کا انتخاب کیا، اور امید تھی کہ تین ہفتوں میں پاسپورٹ مل جائے گا، تاہم اب تین ماہ سے زائد کی تاخیر ہو چکی ہے، جس سے میرے منصوبے خطرے میں پڑ گئے ہیں۔
پاسپورٹ آفس کے ایک حکام نے نام ظاہر نہ کرنے کی شرط پر بتایا کہ وزیر داخلہ محسن نقوی نے پہلے ہی صورتحال کا نوٹس لے لیا ہے اور عملے کو ہدایت کی ہے کہ وہ پاسپورٹس کی چھپائی تیز کریں۔
مشہور خبریں۔
امریکی شہریوں کا جو بائیڈن کے خلاف ٹوئٹری طوفان
?️ 10 جنوری 2022سچ خبریں:امریکی شہریوں نے بڑھتی ہوئی قیمتوں اور دکانوں کے خالی شیلفوں
جنوری
وزیر خارجہ نے فلسطین میں جاری مظالم رکوانے کے لیے مشترکہ کاوشوں پر زور دیا
?️ 20 مئی 2021اسلام آباد(سچ خبریں)وزیر خارجہ شاہ محمود قریشی نے فلسطین میں جاری مظالم
مئی
یوکرین جنگ کے خاتمے کے لیے برازیل کی تجویز
?️ 26 مارچ 2023سچ خبریں:برازیل کے صدر لوئیز اناسیو لولا ڈا سلوا یوکرین میں جنگ
مارچ
اسرائیل غزہ کی جنگ کیوں نہیں جیت سکتا؛صہیونی تجزیہ کار کا اعتراف
?️ 26 جون 2025 سچ خبریں:صہیونی تجزیہ کار آوی اشکنازی نے اعتراف کیا ہے کہ
جون
یمنی مسلح افواج کا امریکی ڈرون MQ-9 کو مار گرانے کا اعلان
?️ 1 جنوری 2025سچ خبریں:یمنی مسلح افواج نے ایک بیان میں اعلان کیا ہے کہ
جنوری
ایران پر حملے کے بارے میں صہیونی حکومت کی جھوٹا پروپیگنڈا؛عرب میڈیا کی زبانی
?️ 27 اکتوبر 2024سچ خبریں:عرب میڈیا کا کہنا ہے کہ کہ ایران پر صہیونی حکومت
اکتوبر
صائمہ سلیم ہم سب کو آپ پر فخر ہے: ماہرہ خان
?️ 28 ستمبر 2021کراچی (سچ خبریں) پاکستانی سپر اسٹار ماہرہ خان پاکستانی سفارتکار صائمہ سلیم
ستمبر
آئینی اور سیاسی میدان جنگ میں موجودہ حکومت کی کارکردگی؛فواد چوہدری کی زبانی
?️ 20 جون 2024سچ خبریں: سابق وفاقی وزیر فواد چوہدری نے کہا ہے کہ موجودہ
جون