چین اور پاکستان نے ہمیشہ ایک دوسرے کا ساتھ دیا ہے:چینی وزیرخارجہ

?️ 12 نومبر 2022

سچ خبریں:چین کی وزارت خارجہ کے ترجمان نے پاکستان کو چار ارب ڈالر کے قرضے سے متعلق رپورٹس پر ردعمل کا اظہار کرتے ہوئے کہا کہ بیجنگ مالی استحکام کے حصول کے لیے اسلام آباد کی کوششوں کی حمایت کرتا ہے۔

چینی وزارت خارجہ کے ترجمان ژاؤ لیجیان نے پاکستان کو مالی امداد فراہم کرنے کے اپنے ملک کے وعدوں پر زور دیتے ہوئے کہا کہ ہم سے جتنا ہو سکے گا مالی استحکام کے حصول کے لیے اسلام آباد کی کوششوں کی حمایت کریں گے۔

لیجیان نے صحافیوں کے اس سوال کے جواب میں کہ کیا وہ پاکستانی میڈیا کی اس رپورٹ کی تصدیق کرتے ہیں کہ چین نے اس ملک کو 4 ارب ڈالر سے زیادہ کے سرکاری قرضے فراہم کرنے، کمرشل بینکوں کے 3.3 بلین ڈالر کے قرضوں کی واپسی اور زرمبادلہ کے تبادلے کو تقریباً 1.45 ڈالر تک بڑھانے کا وعدہ کیا ہے،اپنے بیان کی تفصیلات فراہم کیے بغیر اور فراہم کردہ اعدادوشمار کی تصدیق کیے بغیر کہا کہ چین اور پاکستان ہر حال میں اسٹریٹجک تعاون کے شراکت دار ہیں۔

انہوں نے مزید کہا کہ دونوں ممالک نے ہمیشہ ایک دوسرے کا ساتھ دیا ہے، مشترکہ ترقی کے لیے مل کر کام کیا ہے اور مشکل وقت میں ساتھ کھڑے ہوئے ہیں۔ اپنی بہترین صلاحیت کے مطابق، ہم نے مالی استحکام کے حصول کے لیے پاکستان کی کوششوں کی حمایت کی ہے اور کرتے رہیں گے، تاہم آپ نے جن تفصیلات کے بارے میں پوچھا ہے، اس سلسلہ میں میں آپ کو متعلقہ حکام سے رجوع کرنے کا مشورہ دیتا ہوں۔