حماس نے مذاکرات نےشرائط بیان کر دی ہیں:اسرائیلی میڈیا

ایک صہیونی اخبار نے دعویٰ کیا ہے کہ اسلامی تحریک حماس نے میانجیوں کو بتایا ہے کہ جب تک غزہ کی انسانی صورتحال بہتر نہیں ہوتی، وہ کسی بھی قسم کے مذاکرات میں شامل نہیں ہوگی۔

رپورٹ کے مطابق، حماس کی ترجیح حملوں کو روکنا، انسانی امداد پہنچانا اور غزہ کے بحران پر فوری توجہ دینا ہے۔ لبنانی اخبار  نے کہا ہے کہ اسرائیل اور حماس کے درمیان غیر مستقیم مذاکرات اس ہفتے دوبارہ شروع ہونے کے امکانات کم ہیں کیونکہ مذاکرات کی نئی تاریخ مقرر نہیں ہوئی۔

ایک صہیونی اخبار یدیعوت آحرونوت کے ذرائع کے مطابق، اسرائیلی حکام اور ایک اعلیٰ میانجی ملک کے نمائندے امید کرتے ہیں کہ جلد ہی ایک جزوی معاہدہ ممکن ہو جائے گا، جسے وٹیکاف پروپوزل کہا جاتا ہے۔

اطلاعات کے مطابق، مذاکرات کے کچھ حصے اٹلی کے جزیرے سردینیا میں جاری ہیں جہاں قطر، اسرائیل اور امریکہ کے حکام ملاقاتیں کر رہے ہیں۔ اگرچہ قطر کے وزیراعظم اور وزیر خارجہ نے سردینیا چھوڑ دیا ہے، مذاکرات جاری ہیں۔

تاہم، سیاسی پیچیدگیوں کے باعث خوشخبری پر سوالیہ نشان ہے۔ یدیعوت آحرونوت نے ایک اسرائیلی سیکورٹی اہلکار کے حوالے سے بتایا کہ وزیراعظم بنیامین نتن یاہو ممکنہ جزوی آتش بس معاہدے کے فوری بعد حماس کو اس کی خلاف ورزی کا الزام لگا کر ایک حتمی معاہدے سے بچنے کی کوشش کریں گے۔ اس طرح وہ اپنے معاہدے کی خلاف ورزی کو جواز فراہم کرنا چاہیں گے۔