مقبوضہ فلسطین کے مرکز میں کار بم دھماکہ

?️ 19 جنوری 2022

سچ خبریں:مقبوضہ فلسطین کے مرکزی اور اہم شہر ریشون لیزیون کے قریب نیس زیونا قصبے میں ہونے والے کار بم دھماکے میں ایک صہیونی آبادکار زخمی ہوگیا۔
العالم چینل کی رپورٹ کے مطابق عبرانی زبان کے اخبار یروشلم پوسٹ نے لکھا ہے کہ مقبوضہ فلسطین کے مرکزی اور اہم شہرریشون لیزیون کے قریب نیس زیونا قصبے میں ہونے والے کار میں دھماکے سے ایک 60 سالہ صیہونی آبادکار زخمی ہوا،تاہم واقعہ کی مزید تفصیلات جاری نہیں کی گئی ہیں۔

واضح رہے کہ جہاں ایک طرف فلسطینیوں کے خلاف صیہونیوں کی جارحیت میں اضافہ ہورہا ہے وہیں فلسطینیوں کی طرف اس غیر قانونی ریاست کے خلاف مزاحمت میں بھی تیزی آئی ہے،آئے دن متعدد مقامات کو شہادت طلبانہ حملے دیکھنے کو مل رہے ہیں ۔

جبکہ مزاحمتی تحریک نے بھی صیہونیوں کو انتباہ دیتے ہوئے اپنی مکمل تیاری کا اعلان کیا ہے اور کہا ہے کہ صیہونی فوری طور پر اپنی جارحیت بند کردیں ورنہ نتائج کے خود ذمہ دار ہوں گے اور ہمارے پاس سیف القدس کی طاقت ابھی بھی موجود ہے جس کے بارے میں صیہونیوں کا خود اعتراف ہے کہ اس جنگ میں ہمیں کچھ حاصل نہیں ہوا صرف نقصان ہی ہوا ہے اس لیے کہ مزاحمتی تحریک نے اس قدر صیہونی فوج کا مقابلہ کیا جتنا وہ سوچ بھی نہیں سکتے تھے۔