مقبوضہ فلسطین کے شہر مودیعین کے ایک شاپنگ سینٹر میں آتشزدگی

?️ 20 دسمبر 2022

سچ خبریں:صہیونی میڈیا نے مقبوضہ فلسطین کے شہر مودیعین میں تفریحی اور تجارتی مرکز یشپرو میں زبردست آگ لگنے کی اطلاع دی ہے۔

مقبوضہ علاقوں میں مشتبہ آتشزدگی کے سلسلے نے اس بار مودیعین شہر میں تفریحی تجارتی مرکز یشپیرو کو نشانہ بنایا،صیہونی حکومت کے ذرائع ابلاغ کے مطابق فائر فائٹرز کی 4 ٹیموں نے کئی گھنٹوں کی کوششوں کے بعد اس شاپنگ سینٹر میں لگنے والی آگ پر قابو پالیا۔

واضح رہے کہ یشپیرو تفریحی تجارتی مرکز مودیعین شہر کے اہم تجارتی مراکز میں سے ایک ہے جس کا انفراسٹرکچر 25 ہزار مربع میٹر سے زیادہ ہے، یہ مرکز اس سے قبل بھی ایک بار شعلوں کا شکار ہوا تھا، اس شاپنگ سینٹر کی مقبوضہ علاقے کے دیگر شہروں میں اور بھی شاخیں ہیں جن میں مقبوضہ بیت المقدس میں عین کاریم، کریات گاٹ،نیس زیوناہ، بیت شعان،آراد” اور بئر شوع شامل ہیں۔

یاد رہے کہ آگ کی وجہ کے ابتدائی جائزوں میں یشپیرو شاپنگ سینٹر کی بجلی کی تقسیم کی پوسٹوں میں سے ایک میں خرابی کا اعلان کیا گیا، واضح رہے کہ گزشتہ ہفتوں میں صیہونی حکومت کے بہت سے اہم انفراسٹرکچر بشمول پاور پلانٹس، فوجی اڈے، اسٹور، ریستوران اور تجارتی مراکز میں آگ لگ چکی ہے جس کو صیہونی حکام بجلی کے نظام میں خلل قرار دے رہے ہیں تاہم حقیقت کیا ہے یہ وقت گزرنے کے ساتھ پتا چلے گا۔