?️
سچ خبریں: غزہ کی پٹی کے خلاف صیہونی حکومت کے زمینی، فضائی اور سمندری حملوں میں شدت اور مغربی کنارے پر صیہونی فوج کے حملوں میں اضافہ ہوا ہے۔
غزہ کی پٹی میں آج صبح صیہونی فوج کے ہمہ گیر حملوں میں اضافہ دیکھنے میں آیا ہے جس کے نتیجے میں بے شمار فلسطینی شہید اور زخمی ہوئے ہیں۔
المیادین چینل کے نامہ نگار نے رپورٹ دی ہے کہ گذشتہ چند گھنٹوں میں غزہ کی پٹی کے مختلف علاقوں پر صیہونی فوج کے فضائی، زمینی اور سمندری حملے دوبارہ شروع ہو گئے ہیں۔
یہ بھی پڑھیں: غزہ میں قحط اور بھوک کی وجہ سے 5 سال سے کم عمر کے بچوں کی موت
صیہونی درندہ صفت فوج نے صبح سویرے غزہ شہر کے الدراج محلے پر وسیع بمباری کی۔
غزہ شہر میں واقع الصبرہ محلہ بھی صہیونی جنگی طیاروں کے فضائی حملوں کا شکار ہوا ہے، اس سلسلے میں عربی زبان کے صحافی عالم الدین صباح کا کہنا ہے کہ خان یونس، رفح اور دیر البلح میں مختلف دھماکوں کی آوازیں سنی گئی ہیں۔
انہوں نے مزید کہا کہ یہ دھماکے گذشتہ گھنٹوں کے دوران مذکورہ علاقوں پر صیہونی فضائی حملوں کے نتیجے میں ہوئے۔
صباح نے مزید کہا کہ صیہونی حکومت کی جنگی کشتیوں نے بھی غزہ کی پٹی کے جنوب میں ساحلی علاقوں کو بھی نشانہ بنایا۔
الجزیرہ نے خبر دی ہے کہ صیہونی حکومت کے توپ خانے نے غزہ کی پٹی کے وسطی صوبے کے شمالی اور مشرقی حصوں کو نشانہ بنایا۔
صیہونی حکومت کے توپ خانے نے اپنے وحشیانہ حملوں کی زد میں تل الہوا اور دیر البلح کے علاقوں کو بھی نشانہ بنایا۔
غزہ کی پٹی کے علاوہ جنوبی لبنان ایک بار پھر صیہونی حکومت کی جارحیت کا نشانہ بنا ہے۔
اس رپورٹ کے مطابق غاصب صیہونی حکومت کے توپ خانے نے لبنان کے جنوب میں واقع السلوقی علاقے کو وسیع پیمانے پر نشانہ بنایا ہے۔
صیہونی فورسز نے آج علی الصبح مغربی کنارے کے مختلف علاقوں پر چھاپے مارے اور متعدد فلسطینی نوجوانوں کو بغیر کسی جواز کے گرفتار کر لیا۔
الجزیرہ کے رپورٹر نے اطلاع دی ہے کہ حملہ آوروں نے اس علاقے کے مغربی جانب سے رام اللہ پر حملہ کیا اور الطیرہ کے محلے میں رہائشی مکانات کی تلاشی لی۔
صیہونی فوجیوں نے مغربی کنارے کے جنوب میں واقع الخلیل شہر پر بھی اپنے جنگی ساز و سامان کے ساتھ حملہ کیا۔
رام اللہ کے شمال میں واقع الجزون کیمپ پر بھی صیہونی افواج کے وحشیانہ حملے اور متعدد فلسطینی شہریوں کی گرفتاری دیکھنے میں آئی۔
فلسطینی ہلال احمر نے اعلان کیا ہے کہ مشرقی نابلس میں بیت فرک چیک پوائنٹ کے قریب اسرائیلی فوجیوں کی فائرنگ سے ایک فلسطینی زخمی ہو گیا۔
مزید پڑھیں: مشہور انگریزی اسکرین رائٹر نے غزہ کے ساتھ اپنی یکجہتی کا اظہار کیا
ان جارح فوجیوں نے قلقیلیہ کے مشرق میں واقع عزون کے علاقے، الخلیل کے جنوب میں یطا شہر، جنین کے جبع علاقے اور نابلس کے جنوب میں کفر قلیل گاؤں پر بھی حملہ کیا۔
مشہور خبریں۔
شہید حاج قاسم سلیمانی پوری ملت اسلامیہ کے لیے ایک مرد تھے
?️ 1 جنوری 2022سچ خبریں: حماس کے سیاسی بیورو کے رکن محمود الزہر نے فلسطینی
جنوری
سپریم کورٹ فل کورٹ بنا دے، جو بھی فیصلہ ہو گا ہمیں قبول ہو گا، وزیراعظم
?️ 7 اپریل 2023اسلام آباد:(سچ خبریں) وزیر اعظم شہباز شریف نے کہا ہے کہ سپریم
اپریل
میری پیدائش کے بعد ایک مہینے تک میرے والد نے میرا چہرہ نہیں دیکھا، بھارتی اداکارہ نے بتائی وجہ
?️ 23 مئی 2023سچ خبریں:بھارتی اداکارہ و ماڈل کرشمہ تنا نے انکشاف کیا ہے کہ
مئی
سعودی اتحاد کے یمن سے نکلنے کا وقت آگیا ہے: صنعا
?️ 16 مئی 2022سچ خبریں: یمن کی قومی سالویشن حکومت کے وزیر دفاع محمد ناصر
مئی
فلسطینی اسلامی تحریک کے سربراہ کی 28 ماہ بعد صیہونی جیل سے رہائی
?️ 14 دسمبر 2021سچ خبریں:صیہونی حکومت نے 1948 کے فلسطینی علاقوں کی اسلامی تحریک کے
دسمبر
(ن)لیگ احتساب سے بچنے کے لئے ہر پستی تک جائے گی
?️ 10 دسمبر 2021لاہور (سچ خبریں) تفصیلات کے مطابق وزیراعظم کے معاونِ خصوصی برائے سیاسی
دسمبر
لبنانی حکومت اور پارلیمنٹ میں ہماری موجودگی ضروری ہے:سید حسن نصراللہ
?️ 16 مارچ 2022سچ خبریں:حزب اللہ کے سکریٹری جنرل سید حسن نصراللہ نے لبنان کے
مارچ
اسرائیلی قیدی فلسطینیوں کے قتل عام کا بہانہ بن چکے ہیں
?️ 9 جون 2024سچ خبریں: مقبوضہ علاقوں میں اقوام متحدہ کے انسانی حقوق کی رپورٹر
جون