حزب اللہ کا صیہونی اڈے میرون پر میزائل حملہ

?️ 27 فروری 2024

سچ خبریں: غزہ کے عوام کی حمایت میں اور بعلبک پر صیہونی حملے کے جواب میں حزب اللہ نے اسرائیلی فوجی اڈے کے خلاف ایک بے مثال آپریشن کیا۔

المیادین نیوز چینل کی رپورٹ کے مطابق لبنان کی اسلامی مزاحمتی تحریک نے جرمق کے پہاڑوں میں واقع میرون ایئر بیس پر اپنے میزائلوں کی ایک بڑی تعداد کے ساتھ میزائل حملے کے بارے میں ایک بیان جاری کیا ہے، جنہیں متعدد میزائل لانچ پلیٹ فارم سے داغا گیا۔

یہ بھی پڑھیں: حزب اللہ اسرائیل کے لئے ایک ڈراؤنا خواب

حزب اللہ نے اس بیان میں تاکید کی ہے کہ میرون اڈے پر حملہ غزہ کے عوام کی حمایت میں اور بعلبک شہر کے نواحی علاقے بقاع پر صیہونی حکومت کی جارحیت کے جواب میں کیا گیا ہے۔

اس میزائل آپریشن کا ذکر کرتے ہوئے صیہونی حکومت کے ذرائع ابلاغ نے اعلان کیا کہ لبنان سے ایک بڑی تعداد میں میزائل میرون کے علاقے کی طرف داغے گئے اور علاقے میں کئی دھماکوں کی آوازیں سنی گئیں۔

گزشتہ روز صیہونی حکومت نے لبنان کے مشرق میں واقع شہر بعلبک کے اطراف میں لبنانی سرزمین پر میزائل حملہ کیا،اس خبر کا اعلان کرتے ہوئے صیہونی فوج نے دعویٰ کیا ہے کہ اس نے جنوبی لبنان میں حزب اللہ سے وابستہ اہداف کو نشانہ بنایا ہے۔

مزید پڑھیں: کیا اسرائیل حزب اللہ ​​کا مقابلہ کر پائے گا ؟

فرانس پریس نے ایک سکیورٹی ذرائع کے حوالے سے بتایا ہے کہ مشرقی لبنان کے علاقے بعلبیک پر اسرائیل پر حملہ دونوں فریقوں کے درمیان کشیدگی میں اضافے کے بعد پہلی بار ہوا ہے۔