سچ خبریں:فلسطین کی اورجہاد اسلامی تحریک کے سکریٹری جنرل اور حماس کے سیاسی بیورو کے نائب سربراہ نے ایک ملاقات کے دوران اس بات پر زور دیا کہ قابضین کے خلاف سیف القدس کا آپشن موجود ہے ۔
فلسطین کی جہاد اسلامی تحریک کے سکریٹری جنرل زیاد النخالہ نے گزشتہ روز اپنے دفتر میں حماس کے سیاسی بیورو کے نائب سربراہ صالح العروری کی میزبانی کی،اس اجلاس میں لبنان میں تحریک حماس کے نمائندے احمد عبدالہادی، لبنان میں جہاد اسلامی تحریک کے نمائندے احسان عطیہ اور حماس کے متعدد دیگر نمائندوں نے بھی شرکت کی۔
دونوں فریقوں نے مختلف علاقوں میں فلسطینیوں کے خلاف صیہونی حکومت کی مسلسل جارحیت میں اضافے اور قابض حکومت کے اہلکاروں کی طرف سے بیت المقدس کو یہودیانے اور فلسطینیوں کو بے گھر کرنے کی سازش، فلسطینی علاقوں میں صیہونیوں کو آباد کرنے اور فلسطین کی تازہ ترین صورتحال پر تبادلہ خیال کیا۔
انہوں نے غزہ کی پٹی کے محاصرے میں صہیونی دشمن کی جیلوں میں قیدیوں پر ہونے والے ظلم و ستم کا جائزہ لیا، فلسطین کی جہاد اسلامی تحریک کے سکریٹری جنرل نے حماس کے سیاسی بیورو کے نائب سربراہ کے ہمراہ مغربی کنارے اور غزہ کی پٹی اور 1948 کے مقبوضہ علاقوں میں فلسطینیوں کے خلاف صیہونی حکومت کی مسلسل جارحیت کا مقابلہ کرنے کی ضرورت پر زور دیا۔
انھوں نے صیہونی غاصبوں کے خلاف مزاحمت کو مضبوط بنانے کی ضرورت اور فلسطینیوں کے اسلامی اور عیسائی مقدسات کے تحفظ پر بھی زور دیا۔
