جنوبی فلوریڈا میں ہنگامی صورتحال کا اعلان، السا سمندری طوفان کا خطرہ

سچ خبریں:السا استوائی طوفان امریکی ریاست فلوریڈا کی طرف بڑھ رہا ہے جس کے پیر کے روز اس ریاست کے جنوبی حصے تک پہنچنے کا خطرہ ہے۔
اسپوٹنک نیوز ایجنسی کی رپورٹ کے مطابق ، امریکی ریاست فلوریڈا کے گورنر نے السا استوائی طوفان کے خطرے کی وجہ سے ریاست کے جنوب میں ہنگامی صورتحال کا اعلان کر دیا ہے۔

واضح رہے کہ اس خوفناک طوفان کا پیر کو فلوریڈا پہنچنے کا خطرہ ہے جس کے پیش نظر اس ریاست کے جنوبی علاقوں کے رہائشیوں کو بھاری بارش ، سیلاب یہاں تک کہ تیز ہواؤں سے خبردار کیا گیا ہے۔

کہا جاتا ہے کہ سمندری طوفان السا کی وسعت اور سمت ابھی تک معلوم نہیں ہے جس سے اس کے بارے میں خدشات پیدا ہوگئے ہیں،یادرہے کہ یہ طوفان فلوریڈا پہنچنے سے پہلے کیوبا سے بھی گزرے گا۔