امریکہ اور چین دنیا کے لیے سب سے بڑا خطرہ ہیں:ہنری کسنجر

🗓️ 20 مئی 2023

سچ خبریں:سابق امریکی وزیر خارجہ نے واشنگٹن اور بیجنگ کی حکومتوں کو دنیا کے لیے سب سے بڑا خطرہ قرار دیتے ہوئے کہا کہ ان دونوں ممالک کے درمیان تنازعات انسانیت کو تباہ کرنے کی صلاحیت رکھتے ہیں۔

سابق امریکی وزیر خارجہ ہنری کسنجر کا خیال ہے کہ چین کے ساتھ ساتھ امریکہ بھی دنیا کے لیے سب سے بڑا خطرہ ہے، اکانومسٹ میگزین کو انٹرویو دیتے ہوئے کسنجر نے اس سوال کہ کیا امریکہ اور چین کے درمیان تنازعات کے خطرے کو کم کرنے میں مدد کے لیے تعلقات قائم کرنا ممکن ہے،کا جواب دیتے ہوئے کہا کہ اگر امریکہ اور چین کے صدور ملتے ہیں تو امریکہ کے صدر کو کہنا چاہیے کہ اس وقت دنیا کے سب سے بڑا خطرہ ہمارے دو ممالک ہیں۔

انہوں نے مزید کہا کہاس لحاظ سے کہ ہم (امریکہ اور چین) انسانیت کو تباہ کرنے کی صلاحیت رکھتے ہیں، ایسی صورت حال سے بچنے کی کوشش کرنے کے لیے ہمیں آپس میں اتفاق کرنا چاہیے،سابق امریکی وزیر خارجہ نے یہ بھی کہا کہ یوکرین کو نارتھ اٹلانٹک ٹریٹی آرگنائزیشن (نیٹو) میں شامل کیا جانا چاہیے کیونکہ وہ بہترین ہتھیاروں اور کم تجربہ کار قیادت والا ملک بن گیا ہے۔

یہ بیان کرتے ہوئے کہ روس اب کوئی روایتی خطرہ نہیں ہے، کسنجر نے وضاحت کی کہ دوسری طرف یوکرین یورپ کے بہترین ہتھیاروں اور براعظم میں کم سے کم اسٹریٹجک قیادت کے تجربے کے ساتھ فعال طور پر خود کو تبدیل کر رہا ہے،انہوں نے یہ تجزیہ بھی کیا کہ اگر یوکرین میں روس کا خصوصی فوجی آپریشن ماسکو کے حق میں ختم نہ ہوا تو دنیا کو ایک ناخوش روس کے ساتھ ساتھ ایک ناخوش یوکرین کا بھی سامنا کرنا پڑے گا۔