افغانستان کی شام اور ترکی کے زلزلہ متاثرین کے لیے امداد

?️ 8 فروری 2023

سچ خبریں:طالبان کی عبوری حکومت کی وزارت خارجہ نے اپنے پیغام میں شام اور ترکی کے زلزلہ سے متاثرہ مسلمانوں کے ساتھ ہمدردی کا اظہار کرتے ہوئے ان ممالک کو 15 ملین افغانی عطیہ کیا۔

طالبان کی عبوری حکومت کی وزارت خارجہ نے ایک پیغام میں اعلان کیا ہے کہ انسانی ہمدردی اور اسلامی بھائی چارے کی بنیاد پر اس نے شام کے متاثرین کو 50 لاکھ افغانی اور ترکی کو 10 ملین افغانی امداد فراہم کی ہے۔

افغانستان کی وزارت خارجہ نے یہ بھی اعلان کیا کہ طالبان کی عبوری حکومت کے امدادی اور بچاؤ گروپ ضرورت پڑنے پر امدادی کاروائیوں میں حصہ لینے کے لیے تیار ہیں۔

واضح رہے کہ زلزلے کے پہلے 24 گھنٹوں میں شائع ہونے والی بعض خبروں کے مطابق ان ممالک میں تین زور دار زلزلے آئے ہیں جن میں کہا جاتا ہے کہ 7000 سے زائد افراد ہلاک ہوئے ہیں۔