صہیونی حلقوں میں فلسطینیوں کی انتقامی کاروائی پر تشویش

?️ 7 فروری 2023

سچ خبریں:ایک صیہونی صحافی نے اس حکومت کے فوجیوں کے ہاتھوں کفرعقب کیمپ میں پانچ فلسطینی مجاہدین کی شہادت کے جواب میں فلسطینی مزاحمت کاروں کی انتقامی کاروائیوں کے بارے میں خبردار کیا۔

شہاب نیوز ایجنسی کی ویب سائٹ کے مطابق صیہونی رپورٹر یوسی یھوشوا نے اریحا شہر میں عقبہ جبر کیمپ پر صیہونی فوج کے حملے پر ردعمل کا اظہار کرتے ہوئے کہا کہ ہمیں اریحا میں ہونے والے واقعات کے بعد فلسطینیوں کی طرف سے جوابی حملوں کے لیے تیار رہنا چاہیے جس طرح جنین کے واقعات کے بعد ہوا۔

انہوں نے صیہونی حکومت کے فوجی اور سکیورٹی محکموں کو خبردار کیا کہ آنے والے دنوں میں فلسطینی نئی کاروائیاں کرکے اس واقعے پر شدید ردعمل کا اظہار کرسکتے ہیں،واضح رہے کہ فلسطین کی اسلامی مزاحمتی تحریک حماس کے سیاسی بیورو کے سربراہ نے بھی اریحا شہر میں پانچ فلسطینی مجاہدین کی شہادت کے ردعمل میں تاکید کرتے ہوئے کہا کہ عقبہ جبر میں صیہونی جرم کے باوجود مزاحمت جاری رہے گی اور صیہونیوں سے اس کا انتقام لیا جائے گا، اسے امن نصیب نہیں ہوگا۔

فلسطینی ذرائع نے اطلاع دی ہے کہ صیہونی فوج نے اریحا شہر میں عقبہ جبر کیمپ پر حملہ کر کے پانچ فلسطینی مجاہدین کو شہی کر دیا،صیہونی فوجیوں نے مغربی کنارے کے شہر اریحا شہر کے 10 دن کے مکمل محاصرے کے بعد عقبہ جبر کیمپ پر حملہ کر کے ان فلسطینی نوجوانوں کو مجرمانہ فعل میں شہید کر دیا، یاد رہے کہ حالیہ دنوں میں صیہونی حکومت نے اریحا کے عقبہ جبر کیمپ میں متعدد حملے کر کے دنیا کو حیران کر دیا۔