اتل ابیب کی سڑکیں غزہ جیسی لگنے لگی ہیں:صیہونی افسر

سچ خبریں:ایرانی میزائل حملوں کے بعد ایک صیہونی افسر نے تباہ حال تل ابیب کا موازنہ غزہ کے خان یونس اور بیت حانون سے کرتے ہوئے کہا کہ موجودہ مناظر دیوانہ کر دینے والے اور مکمل جنگی ماحول کی عکاسی کرتے ہیں۔

لبنانی خبررساں ادارے العهد کے مطابق، ایک سابق اسرائیلی فوجی افسر جو ماضی میں غزہ کی جنگوں میں شریک رہا ہے، نے ایران کے حالیہ میزائل حملوں کے بعد تل ابیب اور رامات گان کے حالات کو غزہ کے خان یونس اور بیت حانون سے تشبیہ دی ہے۔

یہ بھی پڑھیں:یہ تل ابیب ہے یا غزہ؟

اس افسر کا کہنا تھا کہ میں نے جس ویرانی کو تل ابیب کی سڑکوں میں دیکھا، وہ بالکل اُن مناظر کی یاد دلاتی ہے جنہیں میں نے خان یونس اور بیت حانون میں جنگ کے دوران دیکھا تھا۔

اسرائیلی افسر نے ان مناظر کو دیوانہ کر دینے والا قرار دیتے ہوئے کہا کہ تل ابیب اور رامات گان میں بعض مقامات مکمل طور پر میدانِ جنگ میں تبدیل ہو چکے ہیں، اور ہر طرف تباہی، خوف اور بے یقینی کی فضا چھائی ہوئی ہے۔

مزید پڑھیں: صیہونیوں کے لیے سب سے زیادہ نقصان دہ جنگ

یہ بیان اس وقت سامنے آیا ہے جب صہیونی ریاست ایران کے میزائل حملوں سے شدید متاثر ہوئی ہے اور صہیونی میڈیا و دفاعی ماہرین کھلے عام اپنے نظامِ دفاع کی ناکامی کا اعتراف کر رہے ہیں۔