غزہ میں سیلاب، بے گھر فلسطینیوں کے 70 ہزار خیمے پانی میں ڈوب گئے

?️ 7 نومبر 2026

سچ خبریں:غزہ کی سول ڈیفنس تنظیم نے شدید بارشوں اور سیلاب کے باعث فلسطینی بے گھر افراد کے خیمے زیرِ آب آنے کی اطلاع دیتے ہوئے خبردار کیا ہے کہ اس صورتحال سے انسانی بحران مزید سنگین ہو سکتا ہے۔

روسی خبر رساں ادارے کے مطابق، غزہ کی سول ڈیفنس تنظیم نے اعلان کیا ہے کہ بارشوں اور سیلاب کے موسم کے آغاز کے ساتھ ہی اسرائیلی حملوں میں تباہ ہونے والی عمارتیں انتہائی خطرناک ہو گئی ہیں اور کسی بھی وقت مکمل طور پر منہدم ہو سکتی ہیں۔

تنظیم کے مطابق، غزہ کی پٹی میں مختلف مقامات پر بے گھر فلسطینیوں کے خیمے بارش کے پانی میں مکمل طور پر ڈوب چکے ہیں اور اب رہائش کے قابل نہیں رہے۔ ان میں سے بیشتر خیمے پھٹے ہوئے اور بوسیدہ ہیں، جو بارش اور سردی سے بچاؤ کی صلاحیت نہیں رکھتے۔

سول ڈیفنس نے بتایا کہ تقریباً 70 ہزار خیمے مکمل طور پر پانی میں ڈوب گئے ہیں، جس کے نتیجے میں لاکھوں ڈالر کا مالی نقصان ہوا ہے۔

تنظیم نے غزہ میں انسانی بحران مزید شدت اختیار کرنے کا خدشہ ظاہر کرتے ہوئے کہا ہے کہ بے گھر فلسطینیوں کی فوری ضروریات پوری کرنے کے لیے 3 لاکھ نئے خیموں کی اشد ضرورت ہے۔ اس کے علاوہ شدید بارشوں کے باعث بے گھر افراد کو پناہ دینے والے تمام مراکز بھی متاثر ہوئے ہیں۔