سچ خبریں:صیہونی جیل سے آزاد ہونے والی ایک فلسطینی خاتون صحافی کو اسرائیلی فورسز نے آپریشن کرنے کی کوشش کے بہانے گولی مار کر شہید کر دیا۔
فلسطینی ہلال احمر (راملہ) نے مغربی کنارے میں صیہونی جیل سے آزاد ہونے والی 31 سالہ فلسطینی خاتون کی اسرائیلی فوج کے ہاتھوں شہادت کا اعلان کیا، رپورٹ کے مطابق صیہونی فوج نے فلسطینی خاتون کو الخلیل کے قریب واقع العرب کیمپ سے باہر نکلتے ہوئے صیہونی عسکریت پسندوں پر حملہ کرنے کی کوشش کرنے کے بہانے گولی مار دی۔
مقامی فلسطینی میڈیا نے زمین پر پڑی فلسطینی خاتون کی تصاویر شائع کیں، فلسطینی خاتون کو زخمی حالت میں ہسپتال لے جایا گیا تاہم زخموں کی شدت کے باعث وہ شہید ہو گئیں،فلسطینی کلب آف جرنلسٹس اینڈ میڈیا نے یروشلم میں قابض فوج کے ہاتھوں غفران وراسنہ کی شہادت کی مذمت کی۔
واضح رہے کہ چند ہفتے قبل یروشلم میں قابض حکومت کے فوجیوں نے جنین کی خبروں کی لائیو کوریج کے دوران الجزیرہ قطر کی رپورٹر شیرین ابوعاقلہ کو گولی کا نشانہ بنا کر شہید کر دیا ، حماس نے وراسنہ کی شہادت پر رد عمل کا اظہار کرتے ہوئے اسے ایک منصوبہ بند اور مکمل طور پر سازش کے ساتھ کیا جانے والا جرم قرار دیا جو فلسطینیوں کو صیہونیوں کا مقابلہ کرنے کے لیے مزید تیار کرے گا۔