ہم پر میزائلوں کی بارش ہو سکتی ہے؛صیہونی جنرل کا اعتراف

?️ 15 مارچ 2021

سچ خبریں:اسرائیلی فوج کے داخلی محاذ کے کمانڈر نے حزب اللہ کی میزائل صلاحیت کے اعتراف کرتے ہوئے کہا کہ مستقبل میں ہونے والی ممکنہ جنگ کی صورت میں اسرائیل پر روزانہ لگ بھگ 2 ہزار میزائل اور راکٹ فائر کیے جائیں گے۔
یروشلم پوسٹ کی رپورٹ کے مطابق اسرائیلی وزیر جنگ کے بعد اب اسرائیلی فوج کے داخلی محاذ کے کمانڈر ایوری گارڈین نے بھی لبنانی حزب اللہ مزاحمتی تحریک کی میزائل طاقت کا اعتراف کیا، مقبوضہ بیت المقدس میں آج (پیر) کو عبرانی زبان کے بِ’شِوع اخبار کی سالانہ کانفرنس سے خطاب کرتے ہوئے گورڈین نے کہا کہ اگر مستقبل میں حزب اللہ کے ساتھ جنگ ہوئی تو روزانہ 2 ہزار راکٹ اسرائیل پر فائر کیے جائیں گے۔

یروشلم پوسٹ کے مطابق انہوں نے کہا کہ میزائلوں اور راکٹوں کے حجم سے اسرائیل کی فوجی اور شہری صلاحیتوں کو چیلنج کیا جائے گا ، انہوں نے مزید کہا کہ حزب اللہ کے پاس اب قریب ڈیڑھ لاکھ میزائلوں اور راکٹوں کا اسلحہ خانہ ہے جو فائر کیا جاسکتا ہے ،ان کے ساتھ وہ تمام مقبوضہ فلسطینیوں کو نشانہ بنائیں گے جس سے صیہونی حکومت کا بنیادی ڈھانچہ تباہ ہو جائے گا، صہیونی جنرل نے ، خطے میں مزاحمت کے محور کے خلاف اس حکومت کی کمزوری کو ہلکا کرکے دکھانے کی کوشش کرتے ہوئے دعوی کیاکہ مختلف محاذوں پر ہمارے دشمنوں کو یہ معلوم ہونا چاہئے کہ اگر ضرورت پڑی تو ہم اپنی طاقت ور فوج کو اس انداز میں متحرک کریں گےجیسا پہلے کبھی نہیں کی ۔

گورڈین نے اسرائیلی عہدیداروں کی کھوکھلی دھمکیوں کو دہراتےہوئے کہاکہ نے مزید کہا کہ اسرائیل کے دشمنوں کو یہ جان لینا چاہئے کہ ہمارا داخلی محاذ بہت مضبوط ہے جوماضی میں بھی ثابت ہوچکا ہے ،واضح رہے کہ صیہونی حکومت کے وزیر جنگ بنی گانٹز نے حال ہی میں لبنان او ر اس ملک کی عوام کو یہ دھمکی دیتے ہوئے یہ اعتراف کیا ہے کہ مقبوضہ فلسطین میں شمالی محاذ پر جنگ شروع ہوئی تو صہیونیوں کو بھاری قیمت ادا کرنا پڑے گی۔