وزیراعظم عمران خان سے ملک کے بڑے چیمبرزآف کامرس کے صدورکی ملاقات ہوئی

30 جولائی 2021

اسلام آباد (سچ خبریں)  میڈیا رپورٹ کے مطابق وزیراعظم عمران خان سے ملک کے بڑے چیمبرزآف کامرس کے صدورکی ملاقات ہوئی۔ اس ملاقات میں فیڈریشن آف پاکستان چیمبرزکے صدر، کراچی، لاہور، خبرپختونخوا، کوئٹہ، گوجرانوالہ، سیالکوٹ، فیصل آباد، گجرات، ملتان، سرگودھا، گوادر، اسلام آباد اور راولپنڈی کے چیمبرز کے صدوراورنائب صدورنے شرکت کی۔
جبکہ ملاقات میں وفاقی وزراء حماد اظہر، خسرو بختیار، مشیرِعبدالرزاق داؤد، معاون خصوصی شہباز گِل، گورنر اسٹیٹ بینک بھی شریک ہوئے۔ تمام بڑے چیمبرزآف کامرس کا حکومت کی کاروباردوست پالیسیوں اوراقدامات پراعتماد کا اظہارکیا۔

ملاقات کے شرکاء نے تقریباً 4 فی صد جی ڈی پی گروتھ، بڑی پیمانے کی پیداوار میں 15 فی صد تک اضافے کو سراہا اورٹیکس ریونیو اور برآمدات و بیرونِ ملک سے ترسیلاتِ زر میں اضافے پر وزیرِ اعظم عمران خان کو مبارکباد بھی پیش کی۔

شرکا کا کہنا تھا کہ کاروباری برادری ٹیکس دینے کے لیے تیار ہے، اصلاحات کے لیے پوری کاروباری برادری حکومت کے ساتھ مل کر کام کرے گی۔ وزیرِ اعظم نے ملکی معیشت کی مضبوطی کے لیے صنعتی ترقی کی اہمیت پر زور دیا اور کہا کہ ٹیکس کے نظام کی بہتری کے لیے اصلاحات جاری ہیں، وزیرِاعظم کی وفاقی وزراء کواسٹیک ہولڈرزکی تجاویز و مسائل سننے کے لیے ملاقاتوں کی ہدایت کی گئی۔ وزیرِ اعظم عمران خان نے کہا کہ سیاحت کی ترقی کے لیے لائحہ عمل، زراعت کی ترقی کے لیے جامع ایگریکلچرل پلان بنا رہے ہیں، جب کہ حکومت برآمدات بڑھانے کے لیے صنعتوں کو سہولیات فراہم کر رہی ہے۔