مریم نواز اداروں کے خلاف جو بیانات دے رہی ہیں وہ غیر ذمہ دارانہ ہیں

🗓️ 7 اکتوبر 2021

لاہور (سچ خبریں) تفصیلات کے مطابق لاہور میں پریس کانفرنس کرتے ہوئےوزیر داخلہ شیخ رشید  نے کہا کہ فوج کے خلاف نازیبا زبان استعمال کی جارہی ہے ، مریم نواز اداروں کے خلاف جو بیانات دے رہی ہیں وہ غیر ذمہ دارانہ رویہ ہے ، ایک دن میں کورکمانڈ نہیں بن جاتے ، زندگی لگانا پڑتی ہے ، فوج اور جرنیلوں کی ترقی اور تبادلے معمول کا کام ہے ، پاکستان کے حساس اداروں کو نشانہ نہیں بنا سکتے ، پاک فوج اور ادارے ملکی سلامتی کے ضامن ہیں ن لیگ صرف کمپنی کی مشہوری کے لیے اداروں کو بدنام کر رہی ہے ، فوج جمہوریت کے ساتھ کھڑی ہے۔

شیخ رشید نے کہا کہ این سی او سی کو دنیا بھر میں کارکردگی کے باعث پذیرائی حاصل ہے لیکن مرے ہوئے لوگوں کی ویکسی نیشن کی خبریں آرہی ہیں، جن کی مدد سے کورونا ویکسی نیشن کو منصوبہ بندی کے تحت بدنام کیا جا رہا ہے۔ انہوں نے کہا کہ ثابت ہوگیا نیوزی لینڈ کرکٹ ٹیم کےurdupoint.com/daily/livenews/2021-10-07/news-2925887.html میں بھارت ملوث تھا ، پاکستان کسی بھی دباؤ میں آئے بغیر افغانستان کی امداد جاری رکھے گا ، کیوں کہ افغانستان کا استحکام پاکستان کا استحکام ہے ، افغانستان میں امن ہوگا تو خطے اور پاکستان میں امن ہوگا۔

وزیر داخلہ نے کہا کہ پنڈورا لیکس میں زمان پار ک کو ملوث کرنے کی کوشش کی گئی ، پنڈورا لیکس میں جوبھی ملوث پایاگیا ان کے خلاف کارروائی ہوگی ، پنڈورا لیکس جواب نہ دینے والوں کو اداروں کے حوالے کریں گے۔