دو سال بعد بھی حماس کی عملیاتی صلاحیت برقرار؛ صہیونی فوجی افسر کا اعتراف

?️ 10 فروری 2026

سچ خبریں:صہیونی فوج کے ایک اعلیٰ افسر نے اعتراف کیا ہے کہ غزہ میں دو سال سے زائد جنگ کے باوجود حماس کی عملیاتی طاقت برقرار ہے اور مزاحمتی سرنگیں بدستور ایک بڑا اسٹریٹجک چیلنج ہیں۔

عربی 21 نیوز ایجنسی کی رپورٹ کے مطابق صہیونی فوج کے ایک اعلیٰ عہدیدار نے اعتراف کیا ہے کہ غزہ میں دو سال سے زائد عرصہ گزرنے کے باوجود فلسطینی مزاحمتی قوتیں اب بھی اعلیٰ عملیاتی صلاحیت برقرار رکھے ہوئے ہیں۔

یہ بھی پڑھیں: حماس کی طاقت کے بارے میں صیہونی کیا کہتے ہیں؟

رپورٹ کے مطابق، عبری زبان کے ذرائع ابلاغ نے صہیونی فوج کے ایک سینئر افسر کے حوالے سے، جس کا نام ظاہر نہیں کیا گیا، رپورٹ دی ہے کہ حماس نے اپنی اعلیٰ درجے کی عملیاتی صلاحیت بدستور محفوظ رکھی ہوئی ہے۔

رپورٹ میں کہا گیا ہے کہ حماس کے جنگجو حزب اللہ کی رضوان بریگیڈ کے خصوصی دستوں کی طرز پر کارروائیاں انجام دے رہے ہیں۔

صہیونی فوجی حکام نے اعتراف کیا ہے کہ دو سال سے زیادہ وقت گزر جانے کے باوجود اسرائیلی فوج اب تک غزہ میں فلسطینی مزاحمتی تحریک کی زیرِزمین سرنگوں کو مکمل طور پر تباہ کرنے میں ناکام رہی ہے اور یہ مسئلہ ایک اسٹریٹجک رکاوٹ کی صورت اختیار کر چکا ہے جسے حل کرنے کے لیے مزید طویل وقت درکار ہوگا۔

مزید پڑھیں: اتنی مشکلات کے باوجود حماس کیسے اتنی طاقتور ہو گئی؟

اس کے باوجود کہ حماس اور صہیونی حکومت کے درمیان جنگ بندی کا معاہدہ ہو چکا ہے، قابض اسرائیلی فوج بدستور روزانہ کی بنیاد پر غزہ کی پٹی پر حملے جاری رکھے ہوئے ہے۔