?️
کراچی: (سچ خبریں) سندھ اور پنجاب کے دریاؤں میں پانی کی سطح بلند ہونے سے سیلابی صورتحال برقرار ہے، سیلابی پانی سے سیکڑوں کچے مکانات دریا برد ہوگئے جبکہ ہزاروں ایکڑ پر کھڑی فصلیں پانی کی نذر ہوگئیں، لوگوں کی محفوط مقامات پر نقل مکانی جاری ہے، بہاولنگر میں سیلابی ریلے میں بہہ جانے والے بچے سمیت 2 افراد کی لاشیں پانی سے نکال لی گئیں۔
سندھ اور پنجاب کے دریاؤں میں سیلابی صورتحال برقرار ہے، بہاولنگر میں دریائے ستلج میں گنڈاسنگھ کے مقام پر اونچے درجے کا سیلاب ہے،جس کے باعث متعدد دیہات زیر آب آگئے، ریسکیو ٹیموں نے ریلے میں بہہ جانے والے بونگہ کے رہائشی 28 سالہ کاشف اور 7 سالہ نوید کی لاشیں پانی سے نکال لیں۔
ادھر، سیالکوٹ کے نالہ ڈیک میں اونچے درجے کی سیلابی صورتحال ہے، نالہ ڈیک کا پانی قریبی دیہات میں داخل ہونے سے سیکڑوں ایکڑ پر فصلیں تباہ ہوگئیں۔
رحیم یارخان میں دریائے سندھ اور دریائے چناب میں سیلاب سے 400 کچے مکانات دریا برد ہوگئے جبکہ ہزاروں ایکڑ پر فصلیں تباہ ہوگئیں۔
وہاڑی میں سیلابی پانی سے مختلف بستیاں زیر آب آگئیں، لیہ کی تحصیل کہروڑ لعل عیسن میں سیلاب کے بعد دریا میں کٹاؤ کا سلسلہ جاری ہے
گھوٹکی میں بھی دریا کی سطح بلند ہونے سے کچے کے متعدد دیہات اور فصلیں زیرآب آگئیں، عارضی حفاظتی بند ٹوٹنے سے کچے کے متعدد علاقے ڈوب گئے۔
دریائے سندھ گڈو بیراج کے مقام پرپانی کی سطح میں مزید اضافے کے بعد کشمور میں اونچے درجے کی سیلابی صورتحال برقرار ہے۔
دریں اثنا، پی ڈی ایم اے پنجاب نے دریائے جہلم، چناب، راوی، ستلج اور ان سے ملحقہ ندی نالوں میں سیلاب اور طغیانی کا الرٹ جاری کردیا۔
پی ڈی ایم اے کے مطابق دریائے چناب میں درمیانے سے اونچے درجے کے سیلاب کا خدشہ ہے جبکہ دریائے ستلج میں گنڈا سنگھ والا کے مقام پر اونچے درجے کا سیلاب ہے۔
پی ڈی ایم اے کے مطابق گنڈاسنگھ والا کے مقام پر پانی کا بہاؤ ایک لاکھ 26 ہزار کیوسک ہے جبکہ ہیڈسلیمانکی کے مقام پر درمیانے درجے کا سیلاب ہے، یہاں پانی کی آمد 90 ہزار کیوسک اور اخراج 82 ہزار کیوسک ہے۔
پی ڈی ایم اے کے مطابق دریائے سندھ میں تربیلا کے مقام پر نچلے درجے کا سیلاب ہے، دریائے سندھ میں تونسہ، کالا باغ اور چشمہ کے مقام پر پانی کا بہاؤ معمول کے مطابق ہے۔
پی ڈی ایم اے کا کہنا ہے کہ نارروال نالہ بسنتر میں نچلے کے درجے کی سیلاب صورتحال ہے، حکومت پنجاب کی جانب سے سیلاب سے متاثرہ علاقوں میں فلڈ ریلیف کیمپس قائم کردیے گئے ہیں، فیلڈ ریلیف کیمپس میں تمام بنیادی سہولتیں اور دوائیں فراہم کی جارہی ہیں۔


مشہور خبریں۔
لاپتا افراد کا زیر التوا معاملہ عدالت کیلئے ’باعث شرمندگی‘
?️ 6 اکتوبر 2023اسلام آباد: (سچ خبریں) لاپتا افراد کے کیسز سے متعلق ایک درجن
اکتوبر
نامور اداکار و ڈراما نگار شعیب ہاشمی انتقال کرگئے
?️ 15 مئی 2023کراچی: (سچ خبریں) نامور اداکار اور ڈراما نگار شعیب ہاشمی طویل علالت
مئی
کُرم میں ہر حال میں امن یقینی بنایا جائے گا، دشمنوں سے آہنی ہاتھوں سے نمٹیں گے، بیرسٹر سیف
?️ 5 جنوری 2025 پشاور: (سچ خبریں) مشیراطلاعات خیبرپختونخوا بیرسٹرسیف نے واضح کیا کہ گرینڈ
جنوری
غزہ میں ہلاکتوں اور انسانی بحران کی سنگینی پر چین کی مایوسی
?️ 23 اکتوبر 2023سچ خبریں:چینی وزارت خارجہ کے ترجمان ماوننگ نے پیر کے روز کہا
اکتوبر
امریکی فوج کو اپنے اندر سے انتہاپسندانہ حملوں کا خطرہ
?️ 3 مارچ 2021سچ خبریں:پینٹاگون نے امریکی کانگریس کو پیش کی جانے والی اپنی ایک
مارچ
شام کے شہر حلب میں کار بم دھماکہ
?️ 12 اپریل 2021سچ خبریں:شامی ذرائع نے اطلاع دی ہے کہ اس ملک کے شہر
اپریل
بن سلمان کو امریکی استثناء حاصل
?️ 5 اکتوبر 2022سچ خبریں:سعودی ولی عہد محمد بن سلمان کے وکلاء کا کہنا ہے
اکتوبر
ٹرمپ کے نوبل امن انعام کی حمایت کرنے والے ممالک کے ناموں کی اشاعت
?️ 13 اگست 2025سچ خبریں: وائٹ ہاؤس نے نوبل امن انعام کے لیے ڈونلڈ ٹرمپ
اگست