?️
کراچی: (سچ خبریں) سندھ اور پنجاب کے دریاؤں میں پانی کی سطح بلند ہونے سے سیلابی صورتحال برقرار ہے، سیلابی پانی سے سیکڑوں کچے مکانات دریا برد ہوگئے جبکہ ہزاروں ایکڑ پر کھڑی فصلیں پانی کی نذر ہوگئیں، لوگوں کی محفوط مقامات پر نقل مکانی جاری ہے، بہاولنگر میں سیلابی ریلے میں بہہ جانے والے بچے سمیت 2 افراد کی لاشیں پانی سے نکال لی گئیں۔
سندھ اور پنجاب کے دریاؤں میں سیلابی صورتحال برقرار ہے، بہاولنگر میں دریائے ستلج میں گنڈاسنگھ کے مقام پر اونچے درجے کا سیلاب ہے،جس کے باعث متعدد دیہات زیر آب آگئے، ریسکیو ٹیموں نے ریلے میں بہہ جانے والے بونگہ کے رہائشی 28 سالہ کاشف اور 7 سالہ نوید کی لاشیں پانی سے نکال لیں۔
ادھر، سیالکوٹ کے نالہ ڈیک میں اونچے درجے کی سیلابی صورتحال ہے، نالہ ڈیک کا پانی قریبی دیہات میں داخل ہونے سے سیکڑوں ایکڑ پر فصلیں تباہ ہوگئیں۔
رحیم یارخان میں دریائے سندھ اور دریائے چناب میں سیلاب سے 400 کچے مکانات دریا برد ہوگئے جبکہ ہزاروں ایکڑ پر فصلیں تباہ ہوگئیں۔
وہاڑی میں سیلابی پانی سے مختلف بستیاں زیر آب آگئیں، لیہ کی تحصیل کہروڑ لعل عیسن میں سیلاب کے بعد دریا میں کٹاؤ کا سلسلہ جاری ہے
گھوٹکی میں بھی دریا کی سطح بلند ہونے سے کچے کے متعدد دیہات اور فصلیں زیرآب آگئیں، عارضی حفاظتی بند ٹوٹنے سے کچے کے متعدد علاقے ڈوب گئے۔
دریائے سندھ گڈو بیراج کے مقام پرپانی کی سطح میں مزید اضافے کے بعد کشمور میں اونچے درجے کی سیلابی صورتحال برقرار ہے۔
دریں اثنا، پی ڈی ایم اے پنجاب نے دریائے جہلم، چناب، راوی، ستلج اور ان سے ملحقہ ندی نالوں میں سیلاب اور طغیانی کا الرٹ جاری کردیا۔
پی ڈی ایم اے کے مطابق دریائے چناب میں درمیانے سے اونچے درجے کے سیلاب کا خدشہ ہے جبکہ دریائے ستلج میں گنڈا سنگھ والا کے مقام پر اونچے درجے کا سیلاب ہے۔
پی ڈی ایم اے کے مطابق گنڈاسنگھ والا کے مقام پر پانی کا بہاؤ ایک لاکھ 26 ہزار کیوسک ہے جبکہ ہیڈسلیمانکی کے مقام پر درمیانے درجے کا سیلاب ہے، یہاں پانی کی آمد 90 ہزار کیوسک اور اخراج 82 ہزار کیوسک ہے۔
پی ڈی ایم اے کے مطابق دریائے سندھ میں تربیلا کے مقام پر نچلے درجے کا سیلاب ہے، دریائے سندھ میں تونسہ، کالا باغ اور چشمہ کے مقام پر پانی کا بہاؤ معمول کے مطابق ہے۔
پی ڈی ایم اے کا کہنا ہے کہ نارروال نالہ بسنتر میں نچلے کے درجے کی سیلاب صورتحال ہے، حکومت پنجاب کی جانب سے سیلاب سے متاثرہ علاقوں میں فلڈ ریلیف کیمپس قائم کردیے گئے ہیں، فیلڈ ریلیف کیمپس میں تمام بنیادی سہولتیں اور دوائیں فراہم کی جارہی ہیں۔


مشہور خبریں۔
بین گویر کا حراست میں لیے گئے استقامت فلوٹیلا کے کارکنوں کے ساتھ سلوک چونکا دینے والا ہے: آسٹریلیا
?️ 21 مئی 2026 سچ خبریں:پینی وونگ، وزیر خارجہ آسٹریلیا نے کہا ہے کہ بین
مئی
ایران جنگ سے متعلق حقائق شائع کرنے والا میڈیا پاگل ہے: ٹرمپ
?️ 27 مئی 2026سچ خبریں:امریکی صدر ڈونلڈ ٹرمپ نے ایران کے خلاف جنگ سے متعلق
مئی
جرمنی یوکرین کی فوج کو چار ہووٹزر 2000 توپیں فراہم کرنے کا خواہاں
?️ 20 ستمبر 2022سچ خبریں: جرمن وزیر دفاع کرسچن لیمبریچٹ نے کہا کہ یہ
ستمبر
نائیجیریا میں داعش کے حملے میں 29 افراد قتل
?️ 28 اپریل 2026سچ خبریں:شمال مشرقی نائیجیریا میں داعش کے شدت پسندوں کے حملے میں
اپریل
الیکشن کمیشن کوحلیم عادل شیخ کے خلاف مقدمہ کرانا چاہیے، سعید غنی
?️ 17 فروری 2021اسلام آباد(سچ خبریں) پاکستان پیپلز پارٹی کے رہنما سعید غنی نے میڈیا
فروری
ٹیکس چور اور کرپٹ لوگ کبھی قومی یکجہتی میں کامیاب نہیں ہوسکتے، مشیر اطلاعات خیبرپختونخواہ
?️ 20 مارچ 2025پشاور: (سچ خبریں) مشیر اطلاعات خیبر پختونخواہ بیرسٹر سیف کا کہنا ہے
مارچ
"صومالی لینڈ” کے علیحدگی پسند علاقے کو تسلیم کرنے کے لیے اسرائیل کے محرکات کا تجزیہ
?️ 28 دسمبر 2025سچ خبریں: صومالی لینڈ کے علیحدگی پسند علاقے کو تسلیم کرنے میں
دسمبر
50 سال کے افراد کو بھی کورونا ویکسین لگائی جائے گی: اسد عمر
?️ 26 مارچ 2021اسلام آباد(سچ خبریں) وفاقی وزیر اسد عمر نے کہاہے کہ حکومت نے
مارچ