سندھ اور پنجاب میں سیلابی صورتحال برقرار، سیکڑوں کچے مکانات دریا برد، ہزاروں ایکڑ پر کاشت فصلیں تباہ

?️

کراچی: (سچ خبریں) سندھ اور پنجاب کے دریاؤں میں پانی کی سطح بلند ہونے سے سیلابی صورتحال برقرار ہے، سیلابی پانی سے سیکڑوں کچے مکانات دریا برد ہوگئے جبکہ ہزاروں ایکڑ پر کھڑی فصلیں پانی کی نذر ہوگئیں، لوگوں کی محفوط مقامات پر نقل مکانی جاری ہے، بہاولنگر میں سیلابی ریلے میں بہہ جانے والے بچے سمیت 2 افراد کی لاشیں پانی سے نکال لی گئیں۔

سندھ اور پنجاب کے دریاؤں میں سیلابی صورتحال برقرار ہے، بہاولنگر میں دریائے ستلج میں گنڈاسنگھ کے مقام پر اونچے درجے کا سیلاب ہے،جس کے باعث متعدد دیہات زیر آب آگئے، ریسکیو ٹیموں نے ریلے میں بہہ جانے والے بونگہ کے رہائشی 28 سالہ کاشف اور 7 سالہ نوید کی لاشیں پانی سے نکال لیں۔

ادھر، سیالکوٹ کے نالہ ڈیک میں اونچے درجے کی سیلابی صورتحال ہے، نالہ ڈیک کا پانی قریبی دیہات میں داخل ہونے سے سیکڑوں ایکڑ پر فصلیں تباہ ہوگئیں۔

رحیم یارخان میں دریائے سندھ اور دریائے چناب میں سیلاب سے 400 کچے مکانات دریا برد ہوگئے جبکہ ہزاروں ایکڑ پر فصلیں تباہ ہوگئیں۔

وہاڑی میں سیلابی پانی سے مختلف بستیاں زیر آب آگئیں، لیہ کی تحصیل کہروڑ لعل عیسن میں سیلاب کے بعد دریا میں کٹاؤ کا سلسلہ جاری ہے

گھوٹکی میں بھی دریا کی سطح بلند ہونے سے کچے کے متعدد دیہات اور فصلیں زیرآب آگئیں، عارضی حفاظتی بند ٹوٹنے سے کچے کے متعدد علاقے ڈوب گئے۔

دریائے سندھ گڈو بیراج کے مقام پرپانی کی سطح میں مزید اضافے کے بعد کشمور میں اونچے درجے کی سیلابی صورتحال برقرار ہے۔

دریں اثنا، پی ڈی ایم اے پنجاب نے دریائے جہلم، چناب، راوی، ستلج اور ان سے ملحقہ ندی نالوں میں سیلاب اور طغیانی کا الرٹ جاری کردیا۔

پی ڈی ایم اے کے مطابق دریائے چناب میں درمیانے سے اونچے درجے کے سیلاب کا خدشہ ہے جبکہ دریائے ستلج میں گنڈا سنگھ والا کے مقام پر اونچے درجے کا سیلاب ہے۔

پی ڈی ایم اے کے مطابق گنڈاسنگھ والا کے مقام پر پانی کا بہاؤ ایک لاکھ 26 ہزار کیوسک ہے جبکہ ہیڈسلیمانکی کے مقام پر درمیانے درجے کا سیلاب ہے، یہاں پانی کی آمد 90 ہزار کیوسک اور اخراج 82 ہزار کیوسک ہے۔

پی ڈی ایم اے کے مطابق دریائے سندھ میں تربیلا کے مقام پر نچلے درجے کا سیلاب ہے، دریائے سندھ میں تونسہ، کالا باغ اور چشمہ کے مقام پر پانی کا بہاؤ معمول کے مطابق ہے۔

پی ڈی ایم اے کا کہنا ہے کہ نارروال نالہ بسنتر میں نچلے کے درجے کی سیلاب صورتحال ہے، حکومت پنجاب کی جانب سے سیلاب سے متاثرہ علاقوں میں فلڈ ریلیف کیمپس قائم کردیے گئے ہیں، فیلڈ ریلیف کیمپس میں تمام بنیادی سہولتیں اور دوائیں فراہم کی جارہی ہیں۔

مشہور خبریں۔

ترک وزیر خارجہ کے دورہ تہران کے مقاصد

?️ 30 نومبر 2025سچ خبریں: ہمارے ملک کی وزارت خارجہ کے ترجمان نے ترک وزیر

بائیڈن اور نیتن یاہو ایک بار پھر آمنے سامنے؛کیا ہو سکتا ہے؟

?️ 15 جولائی 2023سچ خبریں: صیہونی حکومت اور امریکہ کے درمیان حال ہی میں جڑ

اسحاق ڈار کا الجیریا کے وزیر خارجہ سے رابطہ، خطے کی صورتحال سمیت سے آگاہ کیا

?️ 6 مئی 2025اسلام آباد (سچ خبریں) ترجمان دفتر خارجہ کے مطابق نائب وزیراعظم و

کیا صہیونی سعودی عرب کے ساتھ تعلقات معمول پر لا پائیں گے

?️ 8 اگست 2023سچ خبریں:جب کہ صیہونیوں کی جانب سے سعودی عرب کی جانب ممکنہ

یورپ کو بجلی کی وسیع بندش کے لیے تیار رہنا ہوگا

?️ 28 دسمبر 2022سچ خبریں:    آسٹریا کی وزیر دفاع کلاڈیا ٹیٹر نے یورپی ممالک کو

جارجیا کے پارلیمنٹ انتخابات کی تازہ ترین صورتحال

?️ 29 دسمبر 2024سچ خبریں: 26 اکتوبر کو ہونے والے جارجیا کے پارلیمانی انتخابات کے بعد،

حکومت یا تجارتی کمپنی؟ ٹرمپ انتظامیہ میں ایلون مسک کے DOGE پروجیکٹ کی ناکامی کی وجوہات

?️ 15 جولائی 2025سچ خبریں: نومبر 2024 میں پہلی بار امریکی صدر ڈونلڈ ٹرمپ نے

10دسمبر کو وزیر اعظم عمران خان گرین لائن کا افتتاح کریں گے

?️ 5 دسمبر 2021اسلام آباد(سچ خبریں) وفاقی وزیر برائے منصوبہ بندی اسد عمر نے کہا

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے