خیبر پختونخوا: سرکاری دفاتر میں 50 فیصد ورک فرام ہوم پالیسی متعارف کرانے کا فیصلہ

?️ 9 مارچ 2026

پشاور (سچ خبریں) خیبرپختونخوا کابینہ نے فیول کنزرویشن اور ریسپانسبل گورننس انیشی ایٹو کی منظوری دیدی، وزیراعلیٰ کی ہدایت پر 2 ماہ کیلئے فیول بچت اقدامات نافذ ہوں گے۔

بعدازاں میڈیا کو بریفنگ دیتے ہوئے معاون خصوصی اطلاعات شفیع جان کا کہنا تھا کہ بچت اقدامات میں توسیع کا فیصلہ صورتحال کے تجزیے کے بعد کیا جائے گا۔ سرکاری محکموں میں تمام میٹنگز کو بھی 100 فیصد آن لائن کرنے کا فیصلہ کیا گیا ہے، سرکاری گاڑیوں کے فیول الاؤنس میں مزید 25 فیصد کٹوتی کی منظوری دیدی گئی۔

سرکاری گاڑیوں کے فیول الاؤنس میں مجموعی کٹوتی 50 فیصد تک پہنچ گئی ہے، پولیس، ریسکیو اور قانون نافذ کرنیوالے ادارے فیول کٹوتی سے مستثنیٰ ہوں گے۔ سرکاری دفاتر میں 50 فیصد ورک فرام ہوم پالیسی بھی متعارف کرانے کا فیصلہ کیا گیا ہے، وی آئی پی پروٹوکول گاڑیوں اور ہیلی کاپٹر کے غیر ضروری استعمال میں کمی کی جائیگی۔

سرکاری اخراجات میں کفایت شعاری کیلئے غیرضروری تقریبات اور ڈنرز پر پابندی عائد کردی گئی، فیول کی بچت کیلئے جمعہ کے دن تعلیمی ادارے بند رکھنے کی تجویز پیش کی گئی ہے۔ تعلیمی اداروں میں ورچوئل کلاسز کے انعقاد کو ترجیح دی جائے گی۔