یمنی انصاراللہ کا سعودی حکام کے نام پیغام

20 مارچ 2021

سچ خبریں:یمنی سپریم پولیٹیکل کونسل کے رکن نے سعودی عرب کے اندر یمنی فورسز کی کاروائیوں کی مذمت کرنے پر مبنی سعودی عرب کے بیان پر ردعمل کا اظہار کیا۔
یمنی سپریم پولیٹیکل کونسل کے رکن محمد البخیطی نے اپنے ٹویٹر پیج پر سعودی عرب کے اندر یمنی فورسز کی کاروائیوں کی مذمت کرنے کے سلسلے میں سعودی عرب کے بیان پر ردعمل کا اظہار کرتے ہوئے لکھا کہ ہم آپ کی مذمت کو اپنے پیروں تلے رکھتے ہیں، انہوں نے کہاکہ جب آپ ہمارے ملک کے خلاف اپنی جارحیت اور محاصرہ ختم کردیں گے تو ہم بھی اپنے حملے روک دیں گے، البخیتی نے اپنے ٹویٹر پیج پر سعودی عرب کے العربیہ چینل کی خبر کی ایک تصویر بھی شائع کی تھی جس کا عنوان تھا "ریاض آئل ریفائنری پر حملے کی وسیع پیمانے پر عربی مذمت ” ایک جارحانہ اور منصوبہ بند کاروائی تھی۔

یادرہے کہ جمعہ کے روز یمنی مسلح افواج کے ترجمان نے اعلان کیا کہ سعودی عرب کے شاہ خالد ایئر بیس کو دوسرے فوجی ڈرون آپریشن کے دوران نشانہ بنایا گیا، رپورٹ کے مطابق یمنی مسلح افواج کے ترجمان یحیی سریع نے جمعہ کے روز اعلان کیا کہ ملک کی یو اے وی یونٹ نے خمیس مشیط میں کنگ خالد ایئر بیس پر دو قاسف کے 2 اے اے وی کے ساتھ حملہ کیا جو ٹھیک نشانے پر لگا یمنی مسلح افواج کے ترجمان نے کہا کہ شاہ خالد اڈے پر حملہ سعودی جارحیت پسندوں کے بڑھتے ہوئے حملوں اور یمن کے مسلسل محاصرے کے جواب میں کیا گیا ہے۔

یمنی مسلح افواج کے ترجمان نے اس سے قبل سعودی عرب کے اندر بڑے پیمانے پر آپریشن کا اعلان کیا انہوں نے مزید کہاکہ ریاض میں آرامکو تیل تنصیبات کو 6 یو اے وی کے ذریعہ نشانہ بنایا گیا تھا اور یہ آپریشن انتہائی درست رہا، سریع نے کہا جب تک ہمارے ملک کامحاصرہ اور جارحیت جاری رہے گی ، یمنی مسلح افواج کی کاروائیاں جاری رہیں گی،انہوں نے مزید کہاکہ تمام غیر ملکی کمپنیاں اور سعودی شہری اس ملک کے فوجی اور حساس ٹھکانوں سے دور رہیں کیونکہ یہ مقامات یمنی افواج کے نشانے پر ہیں جو ہمارا حق ہے۔