مغربی کنارے میں ایک فلسطینی نوجوان کی شہادت

?️ 15 ستمبر 2022

سچ خبریں:فلسطینی طبی ذرائع نے اعلان کیا ہے کہ صہیونی فوجیوں کی براہ راست فائرنگ سے ایک فلسطینی نوجوان شہید ہو گیا۔

الجزیرہ چینل کی رپورٹ کے مطابق فلسطینی طبی ذرائع نے اعلان کیا ہے کہ مغربی کنارے کے شمال میں واقع جنین کے قصبے کفردان میں عدی صالح نامی 15 سالہ فلسطینی نوجوان کو صہیونی فوجیوں نے گولی مار کر شہید کر دیا، شہاب خبررساں ایجنسی نے فلسطینی باپ کی اپنے شہید بیٹے عدی صلاح کو الوداع کرنے کی ویڈیو شائع کی۔

نیز فلسطینی ذرائع نے کفردان قصبے میں مزاحمتی فورسز اور صیہونی فوج کے درمیان مسلح تصادم کی بھی اطلاع دی ، قابل ذکر ہے کہ جب مزاحمتی فورسز اور صیہونی فوجیوں کے درمیان مسلح تصادم جاری تھا، صیہونی حکومت کے اسنائپرز کفردان قصبے میں مکانوں کی چھتوں پر تعینات تھے۔

فلسطینی مقامی ذرائع نے یہ بھی اعلان کیا کہ صہیونی فوجیوں نے زخمی فلسطینی نوجوانوں کو اسپتال منتقل کرنے کے لیے ایک ایمبولینس کو کفردان بستی میں داخل ہونے سے روک دیا،یادر ہے کہ یہ اس حقیقت کے باوجود ہے کہ گزشتہ روز فلسطینی مزاحمت کاروں اور صیہونی افواج کے درمیان جھڑپ میں دو فلسطینی مجاہدین شہید ہوئے جبکہ ایک صیہونی فوجی افسر بھی مارا گیا تھا جس کے بعد صیہونیوں نے متعدد فلسطینیوں کو بلاجواز گرفتار کرکے نامعلوم مقام پر منتقل کر دیا۔