سچ خبریں:صیہونی قابض حکومت کی جیل میں قید فلسطینی خاتون منی قعدان نے بھوک ہڑتال کر کے اس حکومت کی جیل سے رہائی حاصل کر لی۔
وفا خبر رساں ایجنسی کی رپورٹ کے مطابق فلسطینی خاتون منی قعدان کو چھ مرتبہ گرفتار کیا گیا اور انہیں مجموعی طور پر آٹھ سال قید میں رکھا گیا جبکہ آخری بار ڈیڑھ سال کے بعد صیہونی حکومت کی جیل سے رہائی ملی، واضح رہے کہ منی قعدان کا تعلق ایک مجاہد خاندان سے ہے جس کے بیشتر افراد قبضے کو مسترد کرنے اور فلسطینی قوم کو آزاد کرانے کی کوشش کرنے پر کئی سالوں سے قابض حکومت کی جیلوں میں نظر بند ہیں۔
واضح رہے کہ جہاد اسلامی تحریک کی اس کارکن کی عمر اس وقت 50 سال ہے، وہ ایک ٹیچر اور ٹرینر ہیں جو نوجوان خواتین قیدیوں کا خیال رکھتی ہیں اور جیل کو خواتین قیدیوں کے قبرستان سے ایسی فارغ التحصیل خواتین مجاہدین کے لیے ایک اسکول میں تبدیل کرنے کی کوشش کرتی ہیں جو قابض کے خلاف مزاحمت کرنے کے قابل ہوں۔
اپنی آخری نظر بندی میں انہوں نے باقی قیدیوں کے ساتھ اظہار یکجہتی کے لیے بھوک ہڑتال شروع کی تاکہ نظر بندی کے حالات کو بہتر بنایا جا سکے اور قابضین کی پالیسیوں کو مسترد کیا جائے جو ہر طرح سے قیدیوں کے حوصلے پست کرنے کی کوشش کرتے ہیں، منی قعدن ایک نمونۂ علم مجاہد اور صابر خاتون ہیں ،اس کے علاوہ ان کی آزادی سرنگ کے ذریعہ جیل سے نکلنے والے مجاہدین کی فتح کی سالگرہ کے موقع پر ہوئی۔
