فرانس کو 1961 کے قتل عام پر معافی مانگنی چاہیے:الجزائری تنظیم

🗓️ 18 اکتوبر 2022

سچ خبریں:الجزائر کی نیشنل لبریشن فرنٹ نے اکتوبر 1961 میں فرانسیسی فوجیوں کے ہاتھوں اس ملک کے عوام کے قتل عام کی برسی کے موقع پر اس بات پر زور دیا کہ پیرس کو ان جرائم پر معافی مانگنی چاہیے۔

رائے الیوم اخبار کی رپورٹ کے مطابق الجزائر کی "جبہۃ تحریر الوطنی” پارٹی (نیشنل لبریشن فرنٹ) نے جو اس ملک کی سب سے بڑی جماعت ہے، اس ملک میں فرانسیسی استعمار پر کڑی تنقید کی، رپورٹ کے مطابق الجزائر کی نیشنل لبریشن فرنٹ کا اصرار ہے کہ فرانس کو 17 اکتوبر 1961 کے جرم کے لیے الجزائر سے معافی مانگنی چاہیے، اس تاریخ کو پیرس میں فرانسیسی پولیس نے الجزائر کے ہزاروں پرامن مظاہرین پر حملہ کیا جبکہ الجزائر کے عوام مظاہروں میں نے اپنے ملک کی آزادی کا مطالبہ کر رہے تھے۔

مورخین کا کہنا ہے کہ فرانسیسی پولیس نے مذکورہ مظاہروں میں سینکڑوں الجزائری شہریوں کو ہلاک کیا اور متعدد زخمیوں کو پل سے پیرس کے دریائے سین میں پھینک دیا جو 1961 کے پیرس قتل عام کے نام سے مشہور ہوا،الجزائر کی اس جماعت نے اس بات پر زور دیا کہ فرانسیسی حکام کو اس تاریخی قتل عام کا اعتراف کرنا چاہیے، یاد رہے کہ یہ جماعت جو اس سے پہلے الجزائر کی حکمران جماعت تھی، اس وقت اس ملک کی موجودہ پارلیمان میں سب سے زیادہ نمائندے رکھتی ہے۔