سعودی عرب اور امارات امریکی ہتھیاروں سے محفوظ نہیں : المشاط

?️ 16 اگست 2022

سچ خبریں:    سپریم پولیٹیکل کونسل کے سربراہ اور یمن کی مسلح افواج کے سپریم کمانڈر مہدی المشاط نے کہا ہے کہ امریکہ نے سعودی اور اماراتی حکومتوں کے ساتھ کھلواڑ کیا ہے ۔

یمنی ریزرو فورسز کے ایک گروپ کی گریجویشن تقریب سے خطاب کے دوران انہوں نے کہا کہ سعودی عرب اور امریکہ کی مشترکہ مشقیں جو ینبو میں انتہائی غصہ کے عنوان سے منعقد کی جا رہی ہیں، اسے طویل فرار کا نام دیا جائے گا۔

المشاط نے کہا کہ امریکی دفاعی ہتھیار کبھی بھی سعودی اور متحدہ عرب امارات کی حکومتوں کو ہمارے میزائل اور ڈرون حملوں سے محفوظ نہیں رکھ سکیں گے۔

المسیرہ ویب سائٹ کی رپورٹ کے مطابق المشاط نے اس بات پر زور دیا کہ اگر دشمن جارحیت اور محاصرے کو جاری رکھنے پر اصرار کرتے ہیں تو ہمارے ہاتھ دشمنوں تک پہنچنے کے لیے مزید پرعزم ہو جائیں گے۔

انہوں نے مزید کہا کہ بحیرہ احمر اور خلیج عدن میں فوجی مشقیں اور آپ کے بحری بیڑے کا شور ہمارے دلوں میں ایک ذرہ برابربھی خوف پیدا نہیں کرتا اور میں آپ سے وعدہ کرتا ہوں کہ آنے والے دنوں میں ہم حیران کن پیشرفت دیکھیں گے۔

انہوں نے صیہونی حکومت کے خلاف ثابت قدم رہنے پر فلسطینی عوام کو بھی مبارکباد پیش کی اور اس بات پر زور دیا کہ فلسطینی کاز کے حوالے سے جمہوریہ یمن کا موقف واضح اور مستحکم ہے۔
یمن کی سپریم پولیٹیکل کونسل کے سربراہ نے کہا کہ یمن کے خلاف جارحیت اور اس کا محاصرہ غاصب اسرائیل کے خلاف اس کے مضبوط اور واضح موقف کا نتیجہ ہے جسے فلسطین کی آزاد اور مقدس سرزمین سے دستبردار ہونا چاہیے۔