صہیونی ربی کی سعودیوں سے طلب باران کی نماز پڑھنے کی اپیل

15 دسمبر 2021

سچ خبریں:ایک صہیونی ربی نے سعودی پرچم کے ساتھ اپنی تصویر شائع کرتے ہوئے اس ملک کے لوگوں سے کہا کہ وہ سعودی عرب میں بارش کی نمازپڑھنے کے لیے مساجد میں جائیں۔
القدس العربی اخبار کی رپورٹ کے مطابق صہیونی ربی جیکوب ہرزوگ نے ٹویٹر پر سعودی پرچم کے ساتھ اپنی تصاویر پوسٹ کرتے ہوئے لکھاکہ زندگی میں کسی چیز کا موازنہ نہیں کیا جا سکتا اور ہم اپنے مختلف عقائد کے باوجود ایک دوسرے کے ساتھ پر امن طریقہ سے رہیں گے۔

صہیونی ربی نے مزید لکھا کہ ہماری انسانیت ہمیں ہر چیز سے زیادہ متحد کر سکتی ہے!ہرزوگ نے اپنے اکاؤنٹ میں سعودی عرب کے شاہ سلمان بن عبدالعزیز کی جانب سے بارش کی دعا کی دعوت کے جواب میں لوگوں سے کہا کہ وہ مسجدوں میں جا کر یہ نماز ادا کریں۔

یادرہے کہ اس سے قبل یہ صیہونی ربی سعودی عرب کے اپنے متعدد دوروں اور صہیونی تاجروں کے ساتھ سعودی تاجروں کی ملاقاتوں کے ویڈیو کلپس ٹویٹ کر چکے ہیں،تاہم بہت سے ناقدین اور تبصرہ نگاروں نے ان کے ٹویٹ پر ردعمل ظاہر کیا ہے،ایک نے کہا ہےکہ سعودی عرب اسرائیل کے ساتھ تعلقات کو معمول پر لانے کے لیے ایک معاہدے پر دستخط کرنے کے لیے تیار ہے، بشرطیکہ اسرائیل عرب امن منصوبے سے اتفاق کرے۔

عنود نامی اکاؤنٹ نے یہودی ربی کے ٹویٹ کے جواب میں لکھا کہ آپ خدا نے پر لعنت بھیجی ہے،آپ کی طرف سے ہمیں نماز کی دعوت دینے کی کوئی ضرورت نہیں،واضح رہے کہ امریکی نژاد صہیونی ربی نے پہلےبھی اعلان کیا تھا کہ انھوں نے سعودی عرب کا سفر کیا ہے جہاں ان کا شاندار استقبال کیا گیا۔