شنزو آبے کی آخری رسومات سے قبل ٹوکیو میں سخت حفاظتی اقدامات

26 ستمبر 2022

سچ خبریں:جاپان نے پیر کو اعلان کیا کہ اس نے اس ملک کےسابق وزیر اعظم شنزو آبے کی آخری رسومات جو کل منگل کو ادا کی جائیں گی، سے قبل دارالحکومت ٹوکیو میں سخت حفاظتی اقدامات کیے ہیں۔

کیوڈو نیوز ایجنسی کی رپورٹ کے مطابق جاپانی حکومت نے اعلان کیا کہ اس ملک کے سابق وزیر اعظم شنزو آبے کی آخری رسومات کل مقامی وقت کے مطابق دوپہر 2 بجے سخت حفاظتی اقدامات کے ساتھ ادا کی جائیں گی، یاد رہے کہ اس تقریب کی لاگت، جس کا تخمینہ 1.66 بلین ین لگایا گیا ہے جو 11.6 ملین ڈالر کے برابر ہے، نے اس ملک میں بہت سی تنقیدوں کو جنم دیا ہے۔

یاد رہے کہ اس لاگت کا ایک بڑا حصہ حفاظتی اقدامات کے نفاذ کے لیے لگایا گیا ہے جس نے ٹیکس دہندگان پر بہت دباؤ ڈالا ہے، رپورٹ کی بنیاد پر منگل کو اس ملک کی میٹروپولیٹن پولیس حفاظتی اقدامات کو اعلیٰ ترین سطح تک نافذ کرے گی، جیسے ٹوکیو اولمپکس اور پیرا اولمپکس میں اختیار کیے گئے تھے۔

واضح رہے کہ ان اقدامات میں 18 ہزار اہلکاروں کے ساتھ پولیس فورس کی موجودگی شہر میں ہائی الرٹ لیول پر ہوگی اور کئی مقامات پر دہشت گردی کی کارروائیوں کے خلاف احتیاطی اور حفاظتی اقدامات کیے جائیں گے۔