سچ خبریں:سعودی وزیر اطلاعات نے اعتراف کیا کہ یمن پر حملے کے آغاز سےاب تک یمنیوں نے ان کے ملک کو 359 بیلسٹک میزائل سے نشانہ بنایا ہے۔
النشرہ نیوز ویب سائٹ کی رپورٹ کے مطابق سعودی وزیر اطلاعات نے اعلان کیا ہے کہ یمن پر حملے کے آغاز سے لے کر اب تک یمنی افواج نے سعودی عرب کو 359 بیلسٹک میزائلوں اور 589 یو اے وی سے نشانہ بنایا ہے۔
یمنی عوام کے خلاف اپنے ملک کی چھ سالہ جارحیت کا ذکر کیے بغیر ، ماجد القصبی نے دعوی کیا کہ حوثی حملوں سے سعودی اقدام سمیت امن کی کوششوں کی مخالفت ظاہر ہوتی ہے، قابل ذکر ہے کہ سعودی اتحاد کی جانب سے یمن کے محاصرے اورجارحیت کے تسلسل کے جواب میں سعودی عرب کے اندرمیں یمنی فورسز کے ذریعہ میزائل اور ڈرون حملے کیے جاتے ہیں، واضح رہے کہ سعودی حکومت چھ سال سے زیادہ عرصے سے یمن پر حملہ کررہی ہے جس میں اس کے ساتھ متعدد دیگر عرب ریاستیں بھی شامل ہیں۔
اس جارحیت کے دوران ، ہزاروں یمنی شہری شہید اور زخمی ہوئے جبکہ اس ملک کے بنیادی ڈھانچہ کو بہت زیادہ نقصان پہنچا جس کے باعث یہاں کی عوام کو سخت مشکلات کا سامنا ہے،بچے تعلیم سے محروم ہیں ، طبی مراکز یا تو تباہ ہوچکے ہیں اور جو بچ گئے ہیں ان میں دواؤں کی شدید کمی ہے،بچوں کی عالمی تنظیم یونیسف متعدد بار کہہ چکی ہے کہ پوری دنیا میں اگر بچوں کے رہنے کی کوئی بدترین جگہ ہے تو وہ یمن ہیں، تاہم اقوام متحدہ سمیت پوری عالمی برادری خاموش تماشائی بنی دیکھ رہی ہے۔
