سعودی عرب اور مصر پر تنقید نہ کی جائے؛صیہونی حکومت کا امریکہ سے مطالبہ

3 ستمبر 2021

سچ خبریں:صہیونی عہدیداروں نے اپنے امریکی ہم منصبوں سے کہا ہے کہ سعودی عرب اور مصر پر واشنگٹن کی شدید تنقید دونوں ممالک کو ایران ، چین یا روس کا رخ کرنے پر مجبور کر سکتی ہے۔
ٹائمز آف اسرائیل نے ایک باخبر ذریعہ کے حوالے سے بتایا کہ صہیونی حکام نے امریکی صدر جو بائیڈن کی انتظامیہ میں اپنے ہم منصبوں سے مطالبہ کیا ہے کہ وہ سعودی عرب اور مصر پر سخت تنقید سے گریز کریں،رپورٹ کے مطابق تل ابیب کو تشویش ہے کہ سعودی عرب اور مصر پر امریکہ کی بھاری تنقید دونوں ممالک کو ایران ، چین یا روس کی طرف موڑ سکتی ہے۔

امریکی صدر جو بائیڈن کی انتظامیہ نے دعویٰ کیا ہے کہ مصر اور سعودی عرب جیسے ممالک میں انسانی حقوق کو اپنی پالیسیوں کے مرکز میں رکھنا چاہتا ہے، ٹائمز آف اسرائیل کا کہنا ہے کہ اس پالیسی نے تل ابیب میں خدشات کو جنم دیا ہے کہ یہ سعودی ولی عہد شہزادہ محمد بن سلمان اور مصری صدر عبدالفتاح السیسی کو الگ تھلگ کرنے کا باعث بن سکتا ہے اور انہیں دوسرے ذرائع سے مدد کی تلاش میں لے جا سکتا ہے۔

صہیونی اخبار کے حوالے سے ذرائع نے بتایا کہ ان خدشات کی خبر واشنگٹن میں جو بائیڈن کے سرکاری عہدیداروں کو کئی بار مختلف چینلز کے ذریعے دی گئی ہے، تاہم یہ مسئلہ گزشتہ ہفتے وائٹ ہاؤس میں امریکی صدر جو بائیڈن اور اسرائیلی وزیر اعظم نفتالی بینیٹ کے درمیان حالیہ ملاقات کے دوران نہیں اٹھایا گیا۔

ان ذرائع میں سے ایک نے اطمینان کا اظہار کیا کہ بائیڈن حکومت نے انسانی حقوق کے فروغ کے لیے بیان بازی کے باوجود سعودی عرب اور مصر کے ساتھ اب تک تعلقات برقرار رکھے ہیں،یادرہے کہ سعودی عرب اور صیہونی حکومت کے درمیان خفیہ تعلقات حالیہ مہینوں میں کئی بار میڈیا کے سامنے آچکے ہیں اور دونوں فریق کچھ دوسرے عرب ممالک کی طرح اس تعلقات کو عام کرنے کی کوشش کر رہے ہیں۔