سعودی اتحاد کے جنگی طیاروں کی یمن پر 27 بار بمباری

?️ 29 ستمبر 2021

سچ خبریں:خبر رساں ذرائع نے منگل کی رات کو بتایا ہے کہ سعودی اتحاد کے جنگی طیاروں نے گزشتہ چند گھنٹوں کے دوران وسطی یمن کے صوبے مأرب پر 27 بار بمباری کی ہے۔

المسیرہ چینل کی رپورٹ کے مطابق سعودی اتحاد کے لڑاکا طیاروں نے 18 مرتبہ جوبہ اور حریب شہروں پرجبکہ 8 مرتبہ سرواح شہر پر اور ایک مرتبہ صوبہ مأرب کے شہر مدغل پر بمباری کی۔

واضح رہے کہ یہ حملے ایسے وقت میں ہوئے ہیں جب یمنی فوج اور عوامی کمیٹیاں حالیہ دنوں میں محاذ کے آپریشنل مراکز پر تیزی سے پیش قدمی کر رہی ہیں،رپورٹ کے مطابق سعودی اتحاد کے جنگی طیاروں نے حجہ اور صعدہ صوبوں کےمتعدد علاقوں پر بھی بمباری کی۔

واضح رہے کہ سعودی حمایت یافتہ فورسز نے گزشتہ 24 گھنٹوں کے دوران 187 مرتبہ الحدیدہ جنگ بندی کی خلاف ورزی کی ہے جس میں راکٹ حملے ، توپ خانے اور جاسوسی پروازیں شامل ہیں،یادرہے کہ سعودی عرب نے متحدہ عرب امارات ، بحرین ، سوڈان ، مصر اور کویت کے ساتھ مل کر چھ سال پہلے نام نہاد عرب اتحاد کی تشکیل دے کر یمن کے خلاف اپنی جارحیت کا آغاز کیا جس کے بعد اس وحشیانہ جارحیت اور سعودی لڑاکا طیاروں کے فضائی حملوں کے نتیجہ میں ہزاروں یمنی ، جن میں زیادہ تر خواتین اور بچے ہیں ، ہلاک ہوئے ہیں جبکہ اس ملک کا نوے فیصد بنیادی ڈاھانچہ تباہ ہوگیا ہے۔

قابل ذکر ہے کہ سعودی اتحاد کی جانب سے اس غریب عرب ملک پر اس قدر جارحیت کے باوجود اقوام متحدہ سمیت پوری عالمی برادری نے اب تک کوئی کاروائی نہیں کی بلکہ اس کے برعکس یمنیوں پر متعدد پابندیاں عائد کی ہیں۔