روس پر سے پابندیاں ہٹانے کے لیے یورپ میں بڑے پیمانے پر مظاہرے

9 اکتوبر 2022

سچ خبریں:یورپی ممالک کے بعض دارالحکومتوں میں عوام نے روز مرہ کی قیمتوں میں اضافے کے خلاف مظاہرے کر کے روس کے خلاف پابندیاں منسوخ کرنے کا مطالبہ کیا۔

اسپوٹنک خبر رساں ایجنسی کے مطابق جرمنی کے دارالحکومت برلن کے عوام نے اس ملک کی پارلیمنٹ کے سامنے جمع ہوئے اور روز مرہ کی قیمتوں میں اضافے کے خلاف کارروائی کا مطالبہ کیا، جرمن مظاہرین نے بھی روس کے خلاف اپنے ملک کی حکومت سمیت دیگر مغربی ممالک کی جانب سے عائد پابندیوں کی منسوخی کا مطالبہ کیا۔

آسٹریا کے دارالحکومت ویانا میں مظاہرین نے قیمتیں کم کرنے، روس کے خلاف پابندیاں اٹھانے اور ماسکو سے دوستی کا مطالبہ کیا، جمہوریہ چیک کے دارالحکومت میں مظاہرین نے معیار زندگی میں تیزی سے گراوٹ کے درمیان عوام کے لیے اپنی حکومت کی کمزور حمایت کے خلاف احتجاج کیا، اٹلی کے دارالحکومت روم میں بھی مزدور یونینوں نے قیمتوں میں اضافے، مہنگائی اور توانائی کے نرخوں میں اضافے کے خلاف احتجاجی مظاہرہ کیا۔

واضح رہے کہ اس حوالے سے ہنگری کے صدر کاتالین نوواک نے حال ہی میں اپنے سربیائی ہم منصب الیگزینڈر ووک کے ساتھ ایک مشترکہ پریس کانفرنس میں کہا کہ یورپی یونین کی پابندیوں کا مقصد روس کے بجائے یورپ ہے اور اس سے روس کو نہیں بلکہ اس یونین کو نقصان پہنچے گا، ہنگری کے صدر نے یہ بھی کہا کہ ہنگری یورپی یونین کا رکن ہے اس لیے ہم نے پابندیوں کے حق میں ووٹ دیا، تاہم ہم نے ہمیشہ اس بات پر زور دیا ہے کہ یہ پالیسی نامناسب ہے۔