جرمن معیشت کو 84 بلین ڈالر کے نقصان کی وجوہات

?️ 11 اکتوبر 2022

سچ خبریں:ایک سروے کے نتائج بتاتے ہیں کہ جرمنی میں مزدوروں کی کمی ہر سال اس ملک کی 84 بلین ڈالر کی اقتصادی کارکردگی کو تباہ کر دیتی ہے۔

جرمنی کے این ٹی وی چینل کی رپورٹ کے مطابق صرف رواں سال کی دوسری سہ ماہی میں جرمنی میں ماہر اور خصوصی کارکنوں کی کمی کی وجہ سے تقریباً 20 لاکھ اسامیاں خالی ہونے کی اطلاع ہے، ایک تحقیق کے نتائج کے مطابق اس کمی نے جرمنی کی اقتصادی کارکردگی کو بھی متاثر کیا ہے، انتظامی مشاورتی فرم BCG کے حسابات کے مطابق، ماہر کارکنوں کی کمی کی وجہ سے جرمنی کی اقتصادی پیداوار میں سالانہ 84 بلین ڈالر (86 بلین یورو) نقصان ہو رہا ہے۔

جائزے کے مطابق بوسٹن کنسلٹنگ گروپ کی تحقیق کے مطابق جرمن معیشت کا یہ نقصان اقتصادی طور پر طاقتور ترین ممالک میں امریکہ کے بعد دوسرے نمبر پر ہے،جائزہ لینے والے Johan Harnos اور Janina Kugel نے یہ رپورٹ اقوام متحدہ کی بین الاقوامی تنظیم برائے مائیگریشن کے تعاون سے تیار کی ہے، تاہم جرمنے کے اعداد وشمار نیورمبرگ لیبر مارکیٹ ریسرچ انسٹی ٹیوٹ کے اعداد و شمار پر مبنی ہے جس نے دوسری سہ ماہی کے لیے 1.9 ملین اسامیوں کے خالی ہونے کی اطلاع دی۔

Harnos کا کہنا ہے کہ یہ طویل مدتی اوسط سے تقریباً ایک ملین زیادہ ہے، جسے ماہرین اقتصادیات ساختی خامی کے طور پر دیکھتے ہیں،ہارنوس اور کوگل، سیمنز کے انسانی وسائل کے سابق ڈائریکٹر، فرض کرتے ہیں کہ اوسطاً ان 10 لاکھ بے روزگار کارکنوں میں سے ہر ایک سالانہ اقتصادی پیداوار میں تقریباً $84000 پیدا کرتا ہے۔