الجزائر کی فٹ بال ٹیم کا اپنی چیمپئن شپ کی ٹرافی فلسطینی عوام کو پیش کرنے کا اعلان

🗓️ 19 دسمبر 2021

سچ خبریں:الجزائر کی قومی ٹیم نے عرب کپ کا پہلا راؤنڈ جیت کر اپنی چیمپئن شپ ٹرافی فلسطینی عوام کو پیش کی۔
العہد نیوز چینل کی رپورٹ کے مطابق الجزائر کی قومی فٹ بال ٹیم نے ہفتے کے روز عرب کپ کا پہلا راؤنڈ جیت لیا جس کے بعد الجزائر ٹیم کے کوچ مجید بوقره نے کہا کہ وہ یہ ٹرافی فلسطینیوں اورغزہ میں رہنےوالے اپنے بھائیوں کی خدمت میں پیش کریں گے۔

واضح رہے کہ میچ کے دوران تیونس اور الجزائر ٹیموں کے حامیوں نے فلسطینی کاز کے ساتھ اظہار یکجہتی کا مظاہرہ کرتے ہوئےفلسطین کے حق میں نعرے لگائے، شائقین نے تیونس اور الجزائر کے جھنڈوں کے ساتھ فلسطینی پرچم بھی بلند کیا، اس کے جواب میں تحریک حماس کے ایک سینئر رکن سامی ابو زہری نے الجزائر کے صدر عبدالمجید تبون کے فلسطین کی حمایت میں حالیہ ریمارکس کے ردعمل میں کہا کہ حماس کو عبدالمجید تبون کی فلسطینی کاز کی حمایت پر فخر ہے۔

انہوں نے زور دیا کہ د تبون کے ریمارکس الجزائر کی صداقت کو ظاہر کرتے ہیں کیونکہ اس سے سب کو معلوم ہوا کہ مسئلہ فلسطین کی حمایت الجزائر کی خارجہ پالیسی کے مستقل اصولوں میں سے ایک ہے،یادرہے کہ صیہونی مظالم کے جواب میں عبدالمجید تبون نے حال ہی میں عالمی برادری سے مطالبہ کیا ہے کہ وہ صیہونی حکومت کی نافرمانی اور بین الاقوامی قوانین کی خلاف ورزی کے حوالے سے اپنی تاریخی ذمہ داری کو پورا کرے۔